DEAR Papa Joe,
Tagoa lang ko sa ngalan nga Bobby, 40 anyos na ang panuigon, minyo ug may usa ka buok anak.
Ang akong suliran kabahin sa akong asawa nga naa koy nabantayan sa iyang batasan lately. Sa tinuod lang nakita na ni nako sa una pero abi ko ug bunga lang sa among pag adjust sa pagpuyo. Kani akong asawa nabantayan nako nga di kaayo o di gani makipaghalubilo sa akong family side. Managad man gani pero kutob ra diha. Kon mobista mi sa akong side, magdali-dali. Maikog lang ko sa akong pamilya mao mabawo tawon ko og tabon og naunsa siya. Pero lahi na ganing mga tawo, labi na may kaya, maayo kaayo siya bisan pag magbinuntagay pa.
Ako sad ni giluom niya na basta mobista ko sa akong mga paryente o naay mangayo og tabang sa among paryente, uga kaayo siya. Pero iyaha na gani side, dugo dayon ko. Naglibog ko karon kay masakitan ko sa iyang gipakita nako. Buwagan kaha ni siya nako kay hasol na man. Dili man sad mi kasado. Palihug tambagi ko.
BOBBY
Bobby,
Last na lang nang option ang pakigbuwag niya. Luoy ang bata, murag mao na man gyud na iyang batasan. Ikaw na lay likay nga magka conflict mo. Ikaw nalay bisita sa inyo ayaw nalang siya dad-a ug pasabta na lang ang imong pamilya sa tinuod kay sa imo nang tabunan kay manimaho gihapon na.
Naa gyud tawo nga ing-ana og batasan, kanang mga selective sa ila rang mauyonan. Kon masuko siya nga mobisita ka sa inyo, sultihi siya nga lisud sad dad-on siya, nga way gusto magkalalis lang mo. Pero sa ako nang gikaingon, uwahi na ang pakigbuwag niya kay sa madugay ug ing ana inyong sitwasyon, magkabuwag gyud mo ug luoy ang bata. Iampo na ni God, Bay.
PAPA JOE
(sa inyong tampo ipadala lang sa papajoesuperb@gmail.com)