PARA nako di man kusog ang linog nga miigo sa Metro Manila ug Central Luzon ikompara sa linog nga miigo sa Sugbo, Bohol ug Negros nga may gikusgon sa 6.9 nga magnitude.
Apan ang linog adunay gikusgon nga 6.1 niadtong Lunes mipatay nag 12 ka mga tawo sa pagsuwat nako sa pagkakaron ug dunay 40 ka mga tawo nga na-trap sa nahugno nga merkado.
Daghang nabalaka nga di ba kaha mosunod ang linog nga gitawag nga The Big One nga maoy mapikas ug kaduha ang Metro Manila ug may pagbanabana nga dul-an sa 60 mil ngadto 120 mil ka mga tawo ang mangamatay kon kini moigo.
Mokaon tag lami
Sa kamahal karon sa pagbayad sa gibaligya nga mga pagkaon ang mga kabus maoy nag-unang maapektahan .
Apan bisan pa man niini makapangita sa gihapon ug pamaagi aron makakaon ug lami bisan ug di permanente.
Kay ang presyo sud sa mga malls ug department store, restaurants di man intawon maka afford ang pobre natong mga kaigsuonan.
Mao nga atong pahimuslan ang mga food festival nga ipahigayon sa mga nagka daiyang dapit kay barato ra ang mga gibaligya nga pagkaon.
Suwayi ninyo ang akong natilawan nga lamian ug barato nga pagkaon sa gipahigayon food festival sa kalihukan sa Kadaugan sa Mactan.
Kini nahimutang sa Liberty Shrine nga anaa ang tanang matang sa pagkaon hilabi na kon seafood nga ang siyudad sa Lapu-Lapu, nahimong ilhado niining matang sa pagkaon.
Kini usa ka programa sa kagamhanan ni Mayor Paz Radaza, sa tibuok buwan sa Abril ang kalihukan sa barato ra ang presyo sa mga pagkaon.
Maayo nalang makatilaw tag lami panagsa. Mahimo sab nga atong himuong permanent. Kay kana ra bang lami nga atong matilawan atong pangitaon.
Sa siyudad sa Sugbo, dunay usa ka lugar sa General Maxilom nga anaa sa Mango Square sa dakbayan sa Sugbo .
Pero mas barato ang siyudad sa Lapu-Lapu kay mabusog naman ka sa kantidad nga di moabot sa usa ka gatus ka pesos ang bayad sa pagkaon.
Makaya ra gihapon sa bulsa ang mga pagkaon nga ilang gibaligya. Presko sab ang ilang mga gibaligyang seafoods sa may Mango.
Ayaw sab kalimti sa pagputos ang sobra sa pagkaon aron ihatag ug dunay makaon ang mas kabus pa kanato nga anaa naghigda daplin sa karsada.
(Email: efrenlonzon71@gmail.com / Text: 09235562777)