SECTIONS
Friday, July 19, 2019
SUPERBALITA CEBU

Gipatay o naaksidente?

PATAY: Napalgan sa Martes sa buntag sa usa ka lumolupyo ang lawas ni Reymund Mabini nga dunay dakong samad sa ulo ug mga pangos sa kalawasan sa ubos sa pangpang. Tanghaga pa ang iyang kamatayon, gipatay o aksidente siyang nahulog sa pangpang. (Tampo nga hulagway ni Jonaly Pilapil)

Nasubo karon ang lesbian gay bisexual transgender (LGBT) community sa Sugbo sa kamatayon sa usa sa ilang mga miyembro sa sitio Babag 2, Barangay Babag, Siyudad sa Sugbo.

Kagahapon sa buntag napalgan nga patay si Reymund Mabini, 25, tinun-an sa Cebu Technological University (CTU) sa Barangay Babag.

Matod ni Police Staff Sergeant Mark Daclan, imbestigador sa Mabolo Police Station, ila pang gisubay kon aduna bay foul play ang kamatayon ni Mabini.

Napalgan ang iyang lawas sa lawom nga dapit diin didto mopagawas sa ilang hugaw ang kasagaran sa mga residente nga way kasilyas.

Aduna kini samad sa ulo nga posibleng tungod sa iyang pagkatagak gikan sa ibabaw sa pangpang.

Duna usab siyay mga garas-garas sa kalawasan.

Naa na sa ubos sa iyang tuhod ang short pants ug brief ni Mabini, apan wala silay nakita nga timailhan nga adunay gihimong dautan.

Apan wa usab nila wad-a ang posibilidad nga gibinoangan si Mabini og tawo.

Way bisan usa ka residente sa dapit nga pulos ra usab iyang mga kabanay ang nakadungog nga adunay misinggit nga nangayog pakitabang niadtong Lunes sa gabii, Abril 23, dihang nag-brownout.

“Nagpaabot pa mi sa autopsy kay basin natagak lang ni or unsa ba or basin gituyo ug gibinoangan ni ang biktima maong na slide siya didto,” matod ni Daclan.

Hustisya

Sa Facebook account sa biktima nga nagdala sa alyas Rica Reyes, nagbaha ang panawagan alang sa hustisya sa iyang kamatayon.

Wa sila magtuo sa gidangatan ni Mabini nga ilang gihulagway nga buotan ug daghang higala sa eskwelahan.

Awhag sa Mabolo police station sa mga nakakita kon gipatay si Mabini nga labing maayo moduol silag opisyal sa barangay aron mahatagan og hustisya ang kamatayon niini.

Si Nica Caballero, magtutudlo sa Asian College of Technology (ACT) nipagawas sa iyang kasubo sa pagkamatay ni Mabini sanglit iya ning tinun-an sa grade 11 sa maong tunghaan.

Matod niya nga buotan nga sa pagka tinun-an si Mabini.

“Siya ang isa ka studyante nga dili mauwaw kon unsa siya gikan. At the same time hardworking, determined ug trustworthy,” paghulagway ni Caballero kang Mabini. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph