SUPERBALITA CEBU

Janitor nanglayog, mi-kiss

Breaking

USA ka 17-anyos nga dalaga nga nagbantay sa iyang manghod nga na admit sa Vicente Sotto Memorial Medical Center (VSMMC) nireklamo kay giingong gikalitan pagbitad sa janitor ngadto sa ngitngit nga dapit sa compound sa tambalanan, gigakos ug gihagkan ang mga ngabil.

Ang dalaga taga habagatang bahin sa lalawigan sa Sugbo ug niadto lang miaging semana gipaadmit ang iyang igsuon nga adunay tumor sa mata niini.

Niadtong Lunes, Abril 22, sa alas 9 sa gabii, nigawas ang dalaga aron adunay paliton.

Matod sa dalaga ngadto sa kapulisan sa Abellana Police Station nga sa iyang pag-abot sa gawas sa building, diin mingaw, kalit siya nga gibira sa janitor.

Gibitad siya padulong ngadto sa ngitngit nga dapit.

Bisan sa pagdumili sa biktima, gigakos siya og hugot ug dayon gihagkan ang iyang mga ngabil.

Sa dihang niloag na ang paggakos sa janitor kaniya, iya kining gitukmod ug dayong dagan balik sa ward diin naa didto ang iyang mga ginikanan.

Sa Miyerkules sa buntag, Abril 24, nagpatabang dayon ang dalaga uban sa iyang kabanay sa Abellana Police Station aron madakpan ang janitor.

Matod ni Police Corporal Ma. Carmelita Cataylo, imbestigador sa Women and Children Protection Desk sa Abellana police station, nga sa ilang pag-adto sa tambalanan, wa na mo duty ang janitor.

“Naa siyay igsuon nga na admit. Tapos migawas siya sa hospital. Unya nakit-an siya sa janitor, dayon gidala siya sa ngitngit ug didto gihalok-halokan siya,” matod ni Cataylo.

Nailhan na hinuon nila kinsa kining janitor pinaagi sa kadagkoan sa tambalanan, apan gipugngan una ning mantalaan ang ngalan.

Kasong acts of lasciviousness ang ipasaka sa kapulisan batok sa maong janitor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph