Kapulisan andam na sa NYD 2019

GAWAS sa makitang mga pulis sa kadalanan, aduna say italaga bga pulis sa mga bus sa mga delegado sa National Youth Day 2019 aron pagsiguro sa ilang seguridad.

Matud pa sa panguo sa Mandaue City Police Office (MCPO) director Julian Entoma, matag karon ug unya usab gi-monitor ang mga lugar diin temporaryo nagpuyo ang mga delegado uban sa ilang nga foster families.

Opisyal nga buksan ang NYD karung Miyerkules sa hapon, Abril 24, pinaagi sa usa ka "pilgrim walk" gikan sa Cebu City Sport Center padung sa Basilica Minore del Sto. Niño diin himuon ang opening mass.

Gani lakip ang kadagkuan sa kapulisan ang mosalmot sa maong kalihukan.

Gipahimangnoan sad ni Police Regional Office 7 director Debold Sinas nga strikto usab nila implementahon ang "No backpack policy" gawas lang sa accredited nga backpack nga gihatag sa NYD organizers sa mga delegado.

Gawas sa libuan ka mga uniformed personnel, anaa usab mga 'covert personnel' sa matag venue alang sa tanan nga mga kalihukan.

Anaa usab kanunay ang mga K9 units.

Gipahinumduman usab ang mga delegado sa mga pagkaom ug mainum diha sa gawas nga dili magpataka, ilabi na karon nga grabe ang kainit aron kalikayan nga magdaot ang ilang mga tiyan o food poisoning.

"Aside nga strict security ato gihatag sa mga delegado, nihatag sab ta nila og safety tips, in times nga maglaag, ilabi na human unya sa NYD events on Sunday. Gihatagan sad nato og contact number nato ug giawhag to text is kon asa sila maglaag nga grupo aron ma-monitor ug ma- coordinate nato if sa pikas nga city or sa province, aron malikay gyud nga posibleng mabiktima sila sa bisan unsa nga klase nga insedente," asoy ni Entoma sa Superbalita Cebu.

Dul-an pa lang sa 7 mil ka mga delegado ang nangabot kagahapon apan gipaabot nga padayon ang pag-abot ning adlawa, human nga na.delay ang mga flight tungod sa nahitabo nga linog sa Luzon ug kabisay-an.

Samtang human sa nahitabo nga 6.5 magnitude nga linog kagahapon sa kabisay-an gipasusi sa director sa MCPO ang mga simbahan ug nga gipangpuy-an, pagsusi sa straktura.

Uban usa sa mga disaster team, ni-identify na usab sila og nga evacuation center kon ugaling adunay mga kalamidad o bisan unsa nga insidente.

Samtang nihatag og usab og mga flyers isip safety tip sa mga delegado lakip na ang contact number sa mga police station kon ugaling adunay mga insidente. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph