SECTIONS
Sunday, August 25, 2019
SUPERBALITA CEBU

DNA nila ni Silawan, Llenes naa sa gunting: Camp Crame

NAGPOSITIBO sa DNA test ang dugo sa gunting nga giingong gigamit ni Renato Llenes sa linuog nga pagpatay ni Christine Lee Silawan sa Barangay Bankal, siyudad sa Lapu-Lapu, niadtong Marso 10 sa gabii.

Sa interview ni Raffy Tulfo sa Wanted sa Radyo sa Radyo Singko sa kaulohan, gikompirmar ni PNP Chief Police General Oscar Albayalde ang resulta sa DNA examination sa PNP Crime Laboratory sa Camp Crame.

Lakip sa nakadungog sa interview ni Tulfo mao ang inahan ni Christine Lee nga si Lourdes Silawan nga gidala usab sa Violence Against Crime and Corruption (VACC) didto sa Metro Manila.

Sa interview usab sa mga tigbalita, gikompirmar kini sa tigpamaba sa kapulisan sa nasod.

“DNA exam on the pair of scissors reveals positive findings of presence of DNA of both victim Christine Lee Silawan and suspect Renato Llenes in the said scissors,” matod ni Philippine National Police (PNP) spokesperson Colonel Bernard Banac said.

Una nang niangkon si Llenes nga gunting ang iyang gigamit sa pagpatay ug pagkuha sa panit sa nawong ni Christine Lee.

Ang gunting iyang gi turnover sa mga pulis sa siyudad sa Lapu-lapu.

Gihulagway ni Albayalde nga lig-on kaayo ang resulta sa DNA test tungod kay scientific kini.

Si Atty. Tomas Enrile, director sa National Bureau of Investigation 7 (NBI) nga gikuhaan sa iyang habig nga nahinabi usab sa samang sibyaanan sa telebisyon, nagkanayon nga wala kini epekto sa ilang kaso nga gipasaka batok sa 18-anyos.

Ang 18-anyos ang unang gisikop sa NBI-7 tungod sa mga ebidensya nga ilang gihuptan sama sa pag-ila niini sa mga saksi sa CCTV nga nakuha gikan sa simbahan sa Barangay Pajac.

Nagpositibo usab ang DNA sa nakuhang dugo sa sapatos niini.

“Eh kung ganyan eh, malamang both of them ay at the crime scene. Alam mo, possible po talaga yan kaya lang itong dalawang suspek parehong nagsasabi na hindi magkasama sila,” matod ni Enrile.

Nagtuo si Enrile nga di lang usa ka tawo ang nipatay kang Silawan sukwahi sa pamahayag ni Llenes nga siya lang ang naghimo.

Ang 18-anyos gikustodiya sa Lapu Lapu City human kini nibalik sa kustodiya sa kagamhanan. Nipasangil siya sa mga sakop sa NBI nga ni-torture kaniya aron iyang angkunon ang krimen.

Gipabuhian siya sa Lapu-Lapu City Prosecutor's Office tungod sa mga kasaypanan sa procedure sa pagdakop kaniya.

Apan gipadakop siya og balik ni Presidente Rodrigo Duterte, kinsa nagsunod sa kalambuan sa kaso.

Nakig-alayon na usab si Police Brigadier General Debold Sinas, hepe sa Police Regional Office 7, sa NBI.

Si Sinas niduaw sa buhatan sa NBI 7 aron ipahibawo ang resulta sa DNA examination sa PNP Crime lab.

Si Lourdes nagdumili pagpirma sa complaint affidavit nga giandam sa Lapu-Lapu City Police Office tungod kay gusto niya nga ilakip sa kaso ang 18-anyos.

Nilarga siya sa kaulohan human nahadlok sa bahad sa mga pulis nga pasakaan siyag kasong obstruction of justice.

“Ang sabi nila sa akin pag hindi daw ako pumunta sa PNP headquarters haharap daw ako ng obstruction of justice,” matod ni Silawan.

Apan gipasaligan siya ni Albayalde nga tabangan siya niini.

Magkita sila karong adlawa, Abril 25, sa iyang opisina sa Camp Crame.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph