6 politiko misuporta sa NPA

GIINGONG matawag nga supporters sa terorista kining unom ka mga politiko sa Misamis Oriental nga nagsuporta sa New People’s Army (NPA).

Kini ang gibutyag ni Lt. Col Roy Derilo, commander sa 58th Infantry Battalion sa 4th Infantry Division-Philippine Army, atol sa command conference Miyerkules, Abril 24.

Matud ni Derilo nga subo sila nga adunay politiko nga nagsuporta aron hinuon makapalig-on sa mga walhong grupo imbes ilang gipaningkamotan nga manurender kini ug i-grab ang oportunidad nga maka-avail sa programa sa gobyerno alang kanila.

Dugang niini nga matawag nga supporters sa terorista kining mga politiko ug gakahadlok gihapon sa walhong grupo.

Basin sa ilang monitoring gateksan lang kini deretso aron pangayoan og mga pagkaon ug uban pa nilang panginahanglanon.

“Kini nga mga politiko ang madali dali lang nila og tawag but still we need other more information nga ma validate,” matud ni Derilo.

Hangyo ni Derilo nga undangon kini nga binuhatan sa usa ka pulitiko ug mopatabang kanila.

“Hangyo nako nila ng inyong pagtabang ug paghatag sa pikas pasabot na nga nahadlok mo. Ayaw mo kahadlok nga atakihon mo. Madaot mo sa masa ug mogawas nga terorista sila,” matud ni Derilo.

Dugang ni Derilo nga kining mga pulitiko gikonsidera sa balaod nga mga sibilyan nga dili apil-apilon sa NPA.

Hangyo ni Derilo nga mag-report aron dili mahukman sa unsa man nga konsekwensya nga ilang atubangon sa gobyerno niining mga pulitiko nga gasuporta sa NPA.

Ang Commission on Elections pinaagi ni provincial election officer Aleli Ramirez niingon nga kinanhanglan nga pasakaan og kaso ang pulitiko nga nalambigit niini ug ma disqualified apan sa pagkakaron mahimo silang padayon sa pagpapili.