NAHIDANGAT na sa dakbayan sa Cagayan de Oro ang National Commission on Elections (Comelec) aron sa pagpahigayon og absentee voting alang sa eleksyon karong bulan sa Mayo.
Gibutyag ni lawyer Ramil Acol, city Comelec officer, nga tumong niini nga makabotar ang mga membro sa Armed Forces of the Philippines, Philippine National Police (PNP), Department of Education ug lakip ang mga personahe sa media ilabi na nga mao man usab kini ang nag-unang molambigit diha panahon sa eleksiyon.
“Nanganhi na ang mga taga local absentee voting committee nag-distribute na sa mga ballot, murag nangabot naman siguro tong mga abogada nang distribute sa Iligan, Bukidnon, Cagayan de Oro,” matud ni Acol.
Gidugang pa niini nga aprobado na ang pagbotar og sayo sa media karong umaabot nga Abril 30.
“Naa nay na approved dinhi ang sa media didto ta sa city Comelec, April 30 puhon ang sa PNP didto sila sa area kay didto man ihatag ang balota ang sa Armed forces didto gihapon kay didto raman ihatag ang balota,” dugang niini.