SECTIONS
Tuesday, July 23, 2019
SUPERBALITA CEBU

Tambagi ko Noy Kulas: It’s complicated

DEAR Noy Kulas,

Itago lang ko sa ngalang Timmy, usa ka silahis. Nakauyab na kog babaye ug lalake and both had sexual relations. Gwapo ko ug hilig og gym mao nindot ko og porma pero maigo ko sa linya nga ang tinuod nga lalake walang abs.

Daghan anugnan nako kay gwapo kay maayo ko og nawong. Ang akoa lang dili nako madawat ang akoang pagka bayot kay segurado ko ikauwaw ko sa akong pamilya. Nagdahom ra ba sila nga pure ko nga lalake, apan sa gawas kay mas babaye ko sa akong mga barkada. Hinuon, di ko pareho manulti ug manglihok sa uban nga pinababaye gyud.

Karon naa koy uyab nga babaye for six months na. Gusto na kaayo siya nga magminyo mi kay basin kuno maibog ko sa lain ug mailog. Iya nang gitugyan ang iyang pagkababaye diri nako, pero nahibung siya kay mas manghagad pa kuno siya kay nako kon sex na ang hisgutan. Usahay komedyahan ko niya nga maora ko og bayot.

Noy, unsaon ko man ni siya, akong tug-anan nga silahis ko? Proud kaayo siya nga uyab mi ug sagad siya ang mobangka sa among mga lalakaw ug pamalitan ko niya og mga butang. Ang problema kay mas malingaw ko nga bayot ko. Ang naka complicated ron kay naa koy uyab nga duha ka mga lalake nga puro silahis pareho nako. Unsaon kaha ni nako silang duha? Please tambagi ko kay naglibog na ko sa akong lovelife.

TIMMY

Tim,

Makalibog sab tuod ka kay bisan sa dagan sa imong estorya, makalibog kon unsa ang imong direksyon, magbayot ka ba or mopatigbabaw sa paglalake? Kadaghanan ra ba sa sama nimo, nagbinabaye na lang gyud samtang dunay pipila nga nipili nga maglalake, nagkatuban sa ilang pagkatawo. Naay uban usab nga mas nipili nga way lovelife.

Kon palabihon nimo ang imong pamilya kay sa unsay imong sexual preference. magpaka lalake ka. Apan wa ko mag-ingon nga imong pakaslan nang bayhana. Six months is not enough, ingna siya. Ingna siya nga maghuwat og igong panahon kay ang pagminyo di man lumba.

Buwagi ang duha nimo ka mga uyab kay imo man na silang gilumpong, hayan mo-create pa na og gubot. Bisan tuod ingon niana ang inyong relasyon, apan dunay mga higayon nga ang kompetisyon sa atensyon sa usa ka tawo nisangko sa gubot. Duna baya say nagpinatyanay sa ingon niana nga relasyon.

Huna-hunaag maayo ang unsay imong direksyon ug gusto mong mahitabo sa imong kinabuhi ugma. Kana maoy imong giya sa pagdesisyon.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph