USA ka opisyal sa Department of Education (DepEd)-Davao mipahibawo nga ang pagbukas sa Palarong Pambansa gisibog gikan Abril 27 ngadto Abril 28 ngadto sa University of the Philippines Mindanao Sports complex.
Suma ni DepEd spokesperson Jenielito Atillo nga ang opening nausab tungod sa “availability of our guest of honor.”
Nasayran nga si Presidente Rodrigo Duterte maoy guest of honor atol sa kalihukan.
“Actually, ang opening natin is supposed to be on the 27th and that is Saturday but the games really will transpire on Monday pa so no effect either minor or major. Again, let me just stressed the fact that this is not the first time that we reschedule an opening program. This has happened even way way back,” pasabot sa opisyal.
Food poisoning gilikayan
Aron malikayan ang mga insidente nga may malanag na sab nga mga partisipante samtang nagdagan ang Palarong Pambansa 2019, usa sa gitutukan karon sa DepEd ang istriktong polisiya sa pagkaong ihatag sa mga atleta.
Ang Palarong Pambansa himuon sa Davao City, Abril 27 ngadto Mayo 4 sa nagkadaiyang venues nga gitagana.
Atol sa senemanang AFP-PNP press conference, Miyerkules sa Royal Mandaya Hotel gibutyag ni Atillo, nga may grupo gikan sa Davao City Health Office (CHO) nga mag-monitor sa preparasyon sa pagkaon alang sa mga atleta.
Kahinumduman nga atol sa Davao Region Athletic Association (Davraa) sa nakalabay nga tuig, kapin 30 sa mga partisipanteng estudyante ang nalanag sa pagkaon nga gisilbi kanila.
“We conducted orientation, seminars to the personnel assigned in the kitchen, or we call them Kitchen Cabinet to remind them with respect to food preparation and food handling because we do not want to have a resurrection of what transpired in the Davraa where one delegation succumbed to food poisoning,” pung ni Atillo dungan sa panganti nga di na nila buot nga mahitabo kadto pag-usab.
Seguridad plastado na
Halos kwatro mil ka mga sakop sa militar ug sakop sa kapulisan ang i-deploy sa 62nd Palarong Pambansa (National Games), suma ni Public Safety and Security Command Center head Angel Sumagaysay.
Gibutyag ni Sumagaysay nga una pa man ang kompetisyon, andam na sila sa pagsiguro sa seguridad sa mga atletang gikan sa 17 ka rehiyon sa nasud.
Anaa sa 14,000 ngadto 15,000 ka mga delegado ang miabot dinhi sa siyudad alang sa Palaro.