2 kaso sa HIV natala sa Kidapawan

NORTH COTABATO -- Duha ka mga kaso sa human immunodeficiency virus (HIV) ang natala sa City Health Office (CHO) sa dakbayan sa Kidapawan gikan sa bulan sa Enero hangtud Marso.

Kini ang gibutyag ni Kidapawan HIV program coordinator Soledad Lumpit.

Niabot sa 24 ka tawo ang nagpahiling sa CHO nga mga molupyo sa siyudad ug libre.

Apan sa 24, duha niini ang nag-reactive apan moagi pa kini sa screening sa Metro Manila aron nga makompirma nga nataptan sila sa HIV.

Nasayran nga dunay 19 ka mga tawo ang nagpahiling nga libre sa testing center sa CHO kon diin duha ang nag-reactive.

Giklaro ni Lumpit nga walay tambal alang sa sakit nga HIV apan dunay mga pamaagi aron makunhoran ang pagtaas sa ihap niini.

Gipasalig sa opisyal ang confidentiality sa mga tawo nga gusto nga magpa-check sa CHO.

Kadaghanan sa nagpahiling nag-edad 22 hangtud 44-anyos ug kasagaran mga lalaki.

Nanawagan si Lumpit sa mga tawo nga dunay sintomas sa HIV nga magpakonsulta dayon sa CHO o kaha sa mga doktor sa nagkadaiyang tambalanan sa dakbayan sa Kidapawan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph