TAGUM CITY -- Patay na nga miabot sa ospital ang duha ka mga bata human malumos sa ilang pagpangaligo sa Liboganon River sa Barangay San Miguel, Martes sa hapon, Abril 23.
Subay sa report sa Braulio Dujali Municipal Police Station, nailhan ang mga biktima nga sila Mat Louie Marfe, 7-anyos ug Kristal Hyacinth Mepico, 6-anyos.
Ang mga nahisgutan didto na nabangalan sa Barangay Magupising sa susamang lungsod.
Si Rache Marfe, inahan ni Mat, miingon nga wala na niya mabantayan ang iyang anak samtang okupado siya sa pagpanglaba.
Apan sa wala pa siya magsugod sa pagpanglaba, gipahimangnoan na niya ang mga bata nga di moadto sa ubos nga bahin gumikan giingong “liloan” kini ug perting lawma.
Kauban sa duha ka biktima ang usa pa nila ka ig-agaw sa pagpangaligo. Ang ig-agaw nakaluwas sa hitabo kinsa nagbutyag nga pag-abot nila sa ubos, daw gituyok-tuyok sila sa tubig padung sa lawom nga bahin.
Gisulayan pa og dala sa mga rescuers ang biktima sa ospital apan wala na kini kinabuhi. Gihaya na ang duha ka mga biktima sa ilang panimalay.