Lolo ni Luigi toa ni Jonas misuporta

SI NEGUSYANTE Norberto Quisumbing Jr., nipahibawo sa Miyerkules, Abril 25, nga toa siya nagsuporta kang Rep. Jonas Cortes alang sa pagkamayor sa Mandaue City karong Mayo 13, 2019 nga election.

Iyang gi-junk ang iyang apo, reelectionist Mayor Luis Gabriel “Luigi” Quisumbing.

Sa interview sa Sunstar Cebu, si Norberto, kinsa abogado, niputol sa mga hungihong nga adto siya mosuporta kang Luigi kay “blood is thicker than water.”

Matod sa negusyante nga magpabilin unta siyang way dapigan kay si Luigi iyang apo samtang si Jonas sama na og iyang anak.

Apan nausab ang iyang huna-huna human niya makita nga ang iyang apo niduwa na og lapok sa pulitika.

Siya nahinumdom nga siya ug iyang asawa nga si anhing Britta hingpit nga nagsuporta sa pagpapili ni Luigi pagka provincial board member sa 6th district sa Sugbo gikan sa 2013-2016 ug pagkamayor sa Dakbayan sa Mandaue gikan sa 2016-2019.

Iya usab nga gipaluyohan si Cortes sulod sa tulo ka mga termino sa pagkamayor sa Siyudad.

Ang amahan ni Cortes iya usab nga suod nga higala.

“However, I am now changing my mind about my grandson Luigi because he has chosen to delve into dirty politics, character assassination and negative campaigning. He and his political camp has been focusing on damaging the reputation of Jonas Cortes instead of concentrating on his responsibility to the City of Mandaue as its mayor,” nagkanayon si Norberto.

Iya usab nga gipanalipdan si Cortes, si Pinky, iyaan ni Luigi, ug Kyle, ig-agaw og tagsa sa mayor, sa mga pasangil sa social media ug gipakatap nga leaflet nga nalambigit kini sa illegal drugs, labina sa ecstasy.

Sila si Pinky ug Kyle puro supporters ni Cortes.

“(This is) an accusation which is not only very far from the truth but also very dangerous. Most candidates do not go as low as what Luigi has allowed to happen. Most politicians have good standards of competitiveness and honor against each other and will never do what Luigi has allowed to take place,” dugang sa negusyante.

Matod niya nga kining pagbulingbuling sa ngalan nila ni Pinky, Kyle ug Cortes di makiangayon ug di tinuod.

Nakugang siya nganong ang iyang apo nakahimo niini.

“So, this time, I have to come out and tell everybody whom I prefer to run for mayor of Mandaue City. Jonas Cortes should be returned back to mayorship because he is fair and efficient in his work,” matod Quisumbing.

Matod ni Quisumbing nga kon wa pay labot sa black propaganda batok sa iyaan ug ig-agaw si Luigi, iya unta kining ihimakak ug gikondenar, inay nga magpakahilom.

Cortes mihangop

Sa usa ka opisyal nga pamahayag, ang kampo ni Cortes niingon nga nasayod siya nga lisod kini nga hukom ni Norberto.

“We know this decision has not been an easy one for the patriarch of the Quisumbing Family. However, we also believe that this decision was also based on the reality which also affected the whole City of Mandaue under this current administration. The divisiveness of Luigi’s actions has clearly now taken its toll. I believe that this should also be considered by every Mandauehanon in their decision on who will lead Mandaue into the future,” matod sa pamahayag. (EOB sa Sunstar Cebu, FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph