SECTIONS
Monday, May 20, 2019
SUPERBALITA CEBU

Disqualification petition batok kang Gomez gibasura

LEYTE. Gibasura sa Comelec ang disqualification petition nga gipasaka nila Jeffrey Dubal ug Noelcito Wagas batok kang Leyte 4th District Representative Lucy Torres - Gomez. (Tampo nga hulagway)

ORMOC CITY, Leyte-- Gibasura sa Commission on Election (Comelec) ang petition for disqualification nga gipasaka batok kang Leyte 4th District Representative Lucy Torres - Gomez, adlawng Miyerkules, Abril 24.

Sa siyam ka pahina nga desisyon sa Comelec Second Division, walay nakitang lig-on nga basehan ang mga commissioners sa maong petisyon.

Kini gipasaka sa duha ka petitioners nga sila Jeffrey Dubal ug Noelcito Wagas.

Ang duha mipasaka og petition for disqualification gumikan sa paglapas ni Cong. Gomez sa three-term limit rule ubos sa 1987 Philippine Constitution.

Buot sa duha nga i-disqualify si Cong. Gomez sa pagpapili karong May 13 Election isip kongresista.

Si Gomez nilingkod niadtong 2010 hangtud 2013, nagpadayon kini pagka 2013 hangtud 2016 ug 2016 hangtud karong 2019.

Ang 2010 - 2013 nga paglingkod ni Cong. Gomez resulta sa iyang pag subsitute sa iyang bana nga si Richard Gomez, kasamtangan nga mayor sa dakbayan sa Ormoc.

Si Richard gi-disqualified gumikan sa iyang residency issue hinungdan nga mipuli si Lucy.

Apan Marso 19, 2013, ang korte suprema nideklarar nga inbalido ang unang paglingkod ni Cong. Gomez kay di kini kwalipikado nga mu-substitute sa iyang bana.

Buot ipasabot, nagsugod ang termino ni Cong. Gomez niadtong tuig 2013 hantud 2016.

Base sa depensa sa kampo ni Gomez, dili sakto nga Petition for Disqualification ang gipasaka sa petitioners batok sa kongresista.

Dapat Petition to Deny Due Course or Cancel Certificate of Candidacy (COC) ubos sa section 78 sa Omnibus Election Code.

Giuyonan sa commissioners ang punto sa depensa sa kampo ni Gomez nga dapat mabasura ang petisyon.

Base sa desisyon sa Comelec, sayop ang gipasaka sa duha ka petitioners.

Gani, bisan og nipasaka pa og Petition to Deny Due Course or Cancel COC ang duha ka petitioner, di gihapon kini molampos.

Matod sa Comelec, base sa balaud, dapat ipasaka kini 25 ka adlaw gikan sa pag file og certificate of candidacy ni Cong. Gomez.

Apan ang petisyon gipasaka Enero 28, 2019 diin lapas na sa gihatag nga adlaw.

Ikaduha, gibasehan sa Comelec ang desisyon sa korte suprema nga inbalido ang 2010 - 2013 nga termino ni Cong. Gomez.

"Evidently, petitioners failed to cite any ground which would merit Respondent's disqualification" matod sa desisyon sa Comelec.

Mapasalamaton ang kampo ni Cong. Gomez sa maong desisyon gumikan kay gibasehan gyod sa Comelec ang mga balidong punto.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!