SECTIONS
Tuesday, July 23, 2019
SUPERBALITA CEBU

Way pagkabalda sa elektrisidad atol sa eleksiyon

SA nagkaduol nga adlaw sa piniliay, gi-reactivate sa Department of Energy (DOE) Visayas ang Energy Task Force Election og katambayayong niini ang Commission on Election (Comelec) aron masiguro nga way kakulian sa koneksyon sa kuryente sa matag polling center.

Nipasalig ang DOE Visayas, National Grid Corporation of the Philippines, ug Visayan Electric Company nga aduna’y igong supply sa kuryente karong umaabot piniliay sa Mayo 13.

Matod sa officer-in-charge Director sa DOE Visayas Engr. Jose Rey Maleza nga tumong sa maong task force nga masiguro ang igong supply sa kuryente sa adlaw sa piniliay ilabi na nga makina ang gamit niini.

Ang Veco sa ilang bahin mipadayag usab sa ilang kaandam.

Matod ni Anton Mari Perdices, ang chief operating officer sa Veco, nga adunay gi-andam nga contingency plan ug lakip niini ang pagpa-deploy sa ilang emergency crews duol sa mga tunghaan.

Ang NGCP nipahibawo usab nga way mahitabong scheduled maintenance sa mga planta sa kuryente alang sa Visayas Grid.

Ang senior manager sa Visayas Network Planning sa NGCP Diosdado Sandulan nagkanayon nga gi-abisohan na nila ang mga planta nga dili usab magpahigayon og shutdown sulod niini nga period.

“We can safely say that we have sufficient power supply during the election. Remaining capacity is still sufficient for the requirement of the grid,” dason ni Sandulan.

Gipahibawo nga adunay ipahigayon nga dry run ang energy task force election sa Mayo 6 - 10 nga kabahin pagpangandam sa testing and sealing sa Comelec. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph