SA TAMBAK nga trabaho, ug stressful na nga kinabuhi, a good ideya sab gyud panagsa ang mobiyahe aron maka-unwind and maka-relax.
Ning bag-o lang, miduaw kita sa North Cotabato nga perfect place sa hot and cold nga side trip nga maoy gipangita sa mga adventure seekers ug nature lovers.
Nagsugod ang among adbentyur sa Kidapawan sa North Cotabato, tulo ka oras nga biyahe gikan Davao.
Aron di gutumon, lami ang magsima-sima og bingka gikan sa Digos, Davao del Sur, nga mapalit nimo kilid sa dalan.
Human ang paglantaw-lantaw sa Kidapawan proper, biyahe na sab sa 13-kilometros o 45-minutos nga pasubida padung sa Lake Agco.
Inila ang dapit sa ilang bugnaw ug init nga tubig.
Ang Agco Mahomanoy Resort popular nga tourist spot, ilabi na sa ilang lapus bukog nga katugnaw sa pool.
Panahon sa weekends ug holiday, daghan ang modagsa sa dapit aron makarelax. Sa entrance nga P25, lingaw na kaayo ang imong pagrelaks-relaks.
Di lamang layo, anaa sab makita ang Lake Agco.
Swak sa rab sa badget ang entrance nga P20, diin ma-enjoy sab nimo ang ilang hot mud.
Daghan ang gahumol-humol dinhi sa pagtuo nga may healing properties kini, maayo sa pag-rejuvenate sa panit.
Di makumpleto ang biyahe, kung di nimo masilip ang Tawsuvan falls sa Magpet, North Cotabato.
Ang bugnaw’ng tubig nga nagdagayday sa Tawsuvan, o Bongolanon falls makadani sa mga bisitang moduaw sa dapit.
So kung parelaks ang gipangita, ang pagduaw sa North Cotabato sulit nga masinati ang ilang rekursos naturales nga mohupay sa gibating kakapoy sa lawas.
Laag Ta!