GIHIMAKAK sa mga tigpasiugda sa Palarong Pambansa 2019 ang taho nga nagkatap niadtong Miyerkules, kon diin gikanayon nga pipila ka mga delegado ug atleta gikan sa Ilocos Region nalambigit sa aksidente sa bus, ug giingong kadaghanan namatay.
Si Department of Education (DepEd)-Davao spokesperson Jenelito Atillo nagklaro niadtong Huwebes, Abril 25, nga ang tanang atleta, coaches, ug bisan ang drayber sa Ilocos Region luwas nga niabot sa Davao City.
Giangkon ni Atillo nga nakadawat siya og mensahe sa teks.
“As far as I know, niabot ang atoang atleta last weekend pa, April 20, wherein gisugat pa sila sa mga organizers,” tin-aw niya atol sa iSpeak media forum sa City Hall of Davao.
Matud ni Atillo nga ang taho giingong nagagikan sa 73rd Infantry Brigade, nahimutang sa Malita, Davao Occidental.
“If athletes from Ilocos Region or Cagayan Valley for that matter will be going to Davao City by bus, they will be no longer passing by Malita,” pagklaro niya.
Gikanayon ni Atillo nga ang tanang 17 ka regional delegates naa na sa siyudad, aron nga mosalmot sa Palaro, nga orihinal nga gitakda sa Sabado, Abril 27, apan gisibog sa Dominggo, Abril 28, tungod sa wala pa ang mga importante ug nag-unang mamumulong.
Samtang siya nagkanayon nga mga delegado kinsa buot nga mopabilin og dugay sa siyudad aron nga mosuroy ug mobisita sa mga tourist spots, kinahanglan nga molagda og waiver nga nagkanayon nga di sila mokuyog sa delegasyon sa pagpanguli sa ilang dapit.
Ang nangulo sa tigpasiugda nagsulti nga por in kaso og emerhensiya, mga tigpasiugda di na manubag niini.
“The way we operate things is that the alloted schedule should be followed. By May 4, everyone should be leaving the city,” dugang ni Atillo.
Si Assistant City Administrator for Opertions Atty. Lawrence Bantiding, sa pikas bahin, nagsulti nga way delegasyon nagpadayag sa ilang intensiyon nga magpabilin sa siyudad human sa Palaro. (RGL)