PABILIN nga nagrespeto ug nagpasalamat si Mandaue City Mayor re-electionist Luigi Quisumbing ngadto sa iyang lolo nga si Norberto Quisumbing, kinsa nipadayag na sa iyang pagsuporta sa iyang kaatbang nga si Kongresista Jonas Cortes.
Iyang gipasalamatan ang iyang apohan sa pagsuporta kaniya ug sa iyang pamilya sa nangagi.
Apan sa piniliay karong Mayo 13, ang iyang apohan toa na kang Cortes mopaluyo.
Sa press statement ni Norberto Quisumbing, tsirman sa Norkis Group of Companies, nipadayag nga usa sa nakapaagni kaniya nga mosuporta kang Cortes mao ang pagpasira sa iyang apo sa ‘The Sentral’.
Ang The Sentral iya sa iyang anak nga si Pinky ug apo nga si Kyle, iyaan ug ig-agaw ni Luigi.
Apan si Mayor Quisumbing nipasabot nga isip amahan sa Siyudad, iyang responsibilidad ang pagproteher ug pag-preserve sa Dakbayan sa Mandaue ug mga konstituwente.
Kini aron malihay sa ginadili nga drugas, diin giingon nga usa ang ‘The Sentral’ sa mga dapit diin giingon nahitabo ang baligyaanay sa illegal drugs nga ecstasy.
Matod ni Qusiumbing nga sa iyang pagpanerbisyo, di niya i-tolerate bisan ang sayop sa iyang kabanay.
“I respect my Lolo and have always been grateful for the support that he has given to me and to our family. However, I am now the father of the City with a duty to protect and preserve it. The decision to close the business of a relative was a difficult one borne out of deep discernment and consultation with various departments of the city including the Philippine National Police and PDEA,” matod ni Luigi sa iyang pamahayag.