GIPANGHUBOG og balik sa defending champion San Miguel Beermen ang Phoenix Pulse Fuel Masters, 105-94, aron angkunon ang premirong luna sa finals sa Philippine Basketball Association (PBA) Philippine Cup sa Cuneta Astrodome.
Ang kadaugan maoy nakahuman og sayo ning maong best-of-seven semi-finals series, 4-1.
Gipangulohan ni Chris Ross ang Beermen pinaagi sa iyang 24 puntos.
Si Alex Cabagnot nidugang og 22 puntos alang sa Beermen, nitampo og 17 puntos si JuneMar Fajardo, nihatag og 12 puntos si Arwind Santos samtang nitunol og 10 puntos si Terrence Romeo. (ESL)