Spurs-Nuggets adunay Game 7

GIPANGBUNTOG sa host San Antonio Spurs ang Denver Nuggets, 120-103, kagahapon aron pagpugos og deciding Game 7 sa ilang Western Conference 1st round series sa National Basketball Association (NBA) 2018-19 Playoffs.

Nagkumboya sila si LaMarcus Aldridge ug DeMar DeRozan aron agakon ang Spurs hilabi na sa kamangtas nga gipakita sa higante sa Nuggets nga si Nikola Jokic.

Gipangulohan ni Aldridge ang Spurs pinaagi sa iyang 26 puntos samtang nimugna og 25 puntos si DeRozan.

“They’ve been great at throwing a punch at us and running away with it,” matod ni DeRozan.

“We tried to sustain that and understand whatever they do we have to match it, be more aggressive, understand we have to keep our rhythm.”

Si Jokic nagpakatap og 43 puntos, 12 rebounds ug siyam ka assists aron pangulohan ang Nuggets.

Ang deciding Game 7 ipahigayon ugma (RP time) diin ang modaog maoy makigharong sa Portland Trail Blazers sa 2nd round.

“I don’t know, it’s my first Game 7. It’s probably going to be even tougher than this one,” matod ni Jokic.

Sa pagpangulo ni Jokic, ningdominar unta sa ilawom nga bahin ang Nuggets diin ilang gilubong ang Spurs, 72-36, apan igo lang silang mirehistro og 8-of-31 sa ilang mga itsa sa gawas.

Ang Spurs nangigo sa three-point land sa 4th quarter aron pag-alkontra sa kabangis ni Jokic. (AP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph