DUHA ka mga engineer gitulis sa tulo ka mga lalake sa MJ. Cuenco Avenue corner Bonifacio St., Barangay Tinago, Siyudad sa Sugbo Huwebes sa alas 12:10 sa kaadlawon, Abril 25.
Usa kanila ang gipusil tumong sa walang dughan human nagdumili sa paghatag sa sa pitaka.
Ang mga biktima gila nga silang Ian John Juayang, 25, usa ka civil engineer, ug Jonas Labian, 26, electrical engineer, pulos nag-abang og balay sa Barangay Tinago.
Matod ni Police Captain Joemar Pomarejos, hepe sa Waterfront police station, nga padung na ang duha sa ilang boarding house dihang sila giatangan sa tulo ka mga lalake.
Nideklarar kini og tulis ug nimando nga ihatag ang ilang cellular phone.
Si Labian nitunol sa iyang cellphone apan si Juayang nagdumili sa paghatag hinungdan nga gipusil tumong sa dughan.
Daling nisibat ang mga tulisan sakay sa usa lang ka motorsiklo.
Samtang ang mga biktima nagpatabang sa mga tawo sa dapit aron madala si Juayang sa tambalanan.
Aduna na silay mga persons of interest nga gitan-aw karon nga nakaigo na sa area sa Parian police station.
“Nakig coordinate na mi sa Station 1 kay naa sad nahitabo didto nga the same ang description sa mga suspek. Naa na mi persons of interest kinsa ni sila,” matod ni Pomarejos.
Naa na hinuon sa luwas nga kahimtang si Juayang human nga wa maigo ang iyang internal organs sa bala. (AYB)