SECTIONS
Saturday, July 20, 2019
SUPERBALITA CEBU

Kanhi kapitan sa Brgy. Inayawan gikiha

GIPASAKAAN og lima ka kasong kriminal ug administratiba ni barangay kapitan Kirk Bryan Repollo ang kanhi barangay kapitan sa Inayawan sa Office of the Ombudsman Visayas.

Ang mga pasangil may kalambigitan sa paggasto ni Lutherlee Ignacio-Soon sa pagpalit og duha ka mga mini dump truck ug pagasto sa P47 milyones atol sa iyang pagdumala sa barangay niadtong 2013 hangtod 2018.

Ang mga transaksyon niini giingong kuwang sa legal nga mga dokumento.

Lakip sa mga kaso nga gisang-at ni Repollo batok kang Soon mao ang kalapasan sa Anti Graft and Corrupt Practices Act, malversation of public property, Code of Conduct and Ethical Standards for Public Officials and Employees, conduct unbecoming prejudicial to the best interest of the public, ug serious and grave abuse of authority.

Giasoy ni Repollo nga dihang nihulip siya sa katungdanan sugod niadtong Hulyo 2, 2018, way proper turnover sa mga dokumento, pasilidad ug mga ekipo.

Apan iyang giasoy sa iyang affidavit nga ang iyang mga staff nakakuha og mga dokumento may labot sa mga transaksyon ni Soon.

Ilang nakit-an ang giingong pagpalit ni Soon og duha ka surplus dumptruck kansang transaksyon nahitabo niadtong Setyembre 6 ug 27, 2016 base sa deed of sale.

Ang dump truck nagkantidad og P1.145 milyones matag usa.

Apan dihang ilang gisusi base sa deed of sale, ang pagpalit sa duha ka dump truck gi-merge ug nahimo nga usa.

Iyang gihimo nga sanglitanan ang kantang “ two become one”.

Matod pa ni Repollo nga sa duha ka dumptruck nga napalit niadtong 2016, usa ra ka truck ang anaa sa ilang kustodiya nga mao ang Fuso Canter samtang ang ilang karaan nga usa ka dumptruck giuli na ngadto sa City Hall kay dili na magamit.

Ang dumptruck nga ilang gipangita karon base sa dokumento mao ang Isuzu Elf mini dumptruck nga napalit niadtong Septiyembre 6, 2016.

Samtang ang pagpasaka og kaso ni Repollo kang Soon may labot sa P47 milyones nagbase sa letter sa Commission on Audit diin gisuspenso ang auditing gumikan sa kapakyas pagduso sa mga disbursement vouchers ug ubang supporting documents ubos sa Presidential Decree (PD) 1445.

Gihulagway ni Repollo nga ang pagmagahi ni Soon pag-turnover bisan kon nikanaog na siya sa katungdanan nakalapas sa mga kaso nga iyang giduso sa Ombudsman.

Iyang gihulagway nga ang wa pag-turnover sa kanhi kapitan nakamugna og kalangay sa paghatod sa mga batakang serbisyo sa iyang barangay.

Gisuwayan og kontak ning mantalaan si Soon apan hangtod sa pagsuwat ning balita, wa pa siya makapadangat sa iyang reaksyon. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph