SUPERBALITA DAVAO

Talento: Karoshi (Ikaduha ug katapusang gula)

Panlantaw

HELLO, kumusta po?

Sa kasamtangan nga ginabasa ninyo kining akong artikulo, anaa ako sa meeting with Madam Carrie Javier, national president sa Solo Parent Federation dinhi sa Quezon City aron pagahisgutan ang mga kaayohan sa solo parents.

“Single” parent ko BUT “double” in size kay hingaon man he he! Anyway, atong tapuson ang hisgutanang “Karoshi” o “sobrang pagpanarbaho nga makamatay.”

Walay batasan alang sa mga Hapon ang trabahanteng mouli’g sayo. Bisan lampas na sa oras sa pagpanarbaho, magpaugat sila sa trabahoan ilabi na kung naa pa sa buhatan ang ilang mga amo. Magpabilin silang nagatrabaho bisan walay “overtime fee,” bro.

Layo ra sa mga Pinoy, no? Kasagaran baya bisan alas singko sa kahapunon ang tigpanguli, alas kuwatro pa lamang - andam na mouli. Aminin!!! Naka-make up na ang mga kababaihan, ug nakapahumot na ang mga kalakihang mokiat sa dalan.

Dili tanan kugihan ug diniyos ang pagpanarbaho mao ayaw mo kasuko nako. Naa man ganiy mga “ghost employee”. Kana god nagdawat og suweldo bisan walay trabaho kay apil sa payroll - kuyaw’g backer - hayahay!!!

Pagpangawat kana. Karon puwede seguro ka maghapihapi apan inig singil sa kahigayonan basi’g makahilak ka’g lansang.

Dili lang ta masuko bisan maigo kay tinuod man. Dili pod ta mo i-judge kay dili man ko Balaang Espiritu nga mokombikta ninyo. Hinumdomi lamang nga ang atong binuhatan nakita sa Kalangitan.

Sa kasamtangan, adunay mga kabag-ohan ug pamalaod nga gina-implimentar sa nasud Japan aron dili masakripisyo ang kinabuhi sa ilang mamumuo. Tungod kini niadtong bag-ong graduwar nga babaye nga nangempleyo apan naghikog, migo, tungod sa stress sa pagpanarbaho. Apan tungod nakaugat na kini sa ilang kultura, ang mga trabahante didto- naga-overtime gihapon bisan walay bayad, migo. Layo ra kanato.

Ay, Labor Day man diay karong Mayo Uno. Pahinumdom sa mga agalon nga dili abusuhon ang mga trabahante, ug dili ihikaw ang mga benepisyo nga alang kanila.

Sa mga nangempleyo, kanunay’ng magkugi aron molambo ang kompaniya nga tinubdan sa kuwarta aron ibuhi sa atong pamilya. Above all, bisan walay nagtan-aw - trabaho lang kita’g tarong kay ang tinuod natong Amo mao ang Ginoo, ug nakita niya ang pagpanikas o pagpaningkamot nato.

#happylaborday


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph