SECTIONS
Friday, May 24, 2019
SUPERBALITA DAVAO

Bise gobernador walay tatsa sa disgrasya

DIGOS CITY -- Way tatsa ang bise gobernador sa Davao del Sur human madisgrasya ang gisakyan atol sa kampanya adlaw’ng Huwebes, Abril 25.

Apan tulo niya ka mga big bike riders naangol human nagsumputanay sa kanto sa dalang Digos-Dawis, alas 9:30 sa buntag.

Si Police Captain Deozar Almasa, Digos City Police Office director, nagbutyag nga sakay si Aileen Almendras sa iyang Nissan Navarra pick-up truck nga gimaneho ni Robert Sawan Flores, 29, dihang nadusmo ang sakyanan sa gisundang motorsiklo nga kalit nihunong ug niresulta sa pagpingkianay sa ubang motor.

Sa tahong gipaguwa sa traffic section sa dakbayan, nasayran nga ang unang motorsiklo usa ka BMW R1200 GS Advent Motorcycle, gimaneho ni Sammy Olatunde Patio Ayodele, 38, nga taga Cebuana Gym, Belesario Subdivision, Las Piñas City.

Ang ikaduhang motor, usa ka BMW R1200 GS Advent nga gimaneho ni Richard Villareal Cuaton, 35, ug molupyo sa Waling-Waling Street, Andrada Heights del Carmen, Iligan City.

Ang ikatulong motor, usa ka Ducati Multistrada nga narehistro sa ngan ni Cherland Paul Borja sa Upper Carmen, Cagayan de Oro City ug gimaneho ni Philip Caesar Bagares Lee, 37, nga taga Katipunan Hinaplanon, Iligan City.

Gihulagway nga parehong nagdagan ang upat ka sakyanan sa usa ka direksiyon dihang kalit mihunong ang tulo ka mga motor dapit sa intersection.

Wa makabantay ang drayber sa pick-up mao nga nadumbol kini sa gisundang Ducati motorsiklo.

Tungod sa nahitabo, nawad-an si Lee og balanse sa iyang motor mao nga nalimbuwad sa dalan apil ang mga kaubanan niini.

Hinuon, daling nadala ang tulo ka mga riders sa Davao del Sur Provincial Hospital sa mirespondeng mga sakop sa City Disaster Risk Reduction and Management Council aron matambalan.

Nahiagom lamang og pangos ug bun-og sa lawas ang mga riders apan di pa masuta sa kapulisan ang damyos sa upat mga sakyanan.

Gitakdang manubag ang sad-ang drayber sa salaod nga nahimo. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!