MAGUINDANAO PROVINCE -- Gikalipay sa mga nisurender nga miyembro sa Bangsamoro Islamic Freedom Fighters (BIFF) ang ilang bag-o nga trabaho nga bangkero ug tour guide sa mga turista.
Matud ni Philippine Army’s 33rd Infantry Battalion (IB) commanding officer Elmer Bonggaling nga mga bangkero na ug tour guide ang kanhi nga mga BIFF sa SK Pindatun sa probinsiya alang sa mga turista, lokal man o langyaw, aron mag-bird watching sa mga endemic ug migratory birds sa bahin sa Liguasan Marsh.
Dugang ni Bonggaling nga dako ang posibilidad nga mahimong eco-tourism site ang Liguasan Marsh nga gibisita na sab sa mga langyaw.
Ang pagka-tour guide ug bangkero sa mga nahisgutan kabahin sa livelihood program nga gidalit ngadto kanila sa gobyerno human mahibalik sa sabakan sa balaod.
Suportado ni Maguindanao Governor Esmael Mangudadatu ang proyekto sa kanhi mga rebelde.
Samtang gipasalig sa 33rd IB ang seguridad sa mga mobisita sa bird watching area sa Liguasan Marsh. Edgar E. Fuerzas