SA TUMONG nga makab-ot ang tiunay nga kalinaw sa Mindanao ug ang dugang kalamboan sa nasud, si Maguindanao Second District Representative ug senatorial candidate Dong Mangudadatu miduso og anti-terror law nga naka-angkla sa Human Security Act of 2007.
Ang Human Security Act of 2007 usa ka anti-terrorism law nga nagdala sa nasud ug sa iyang sa mga kasilingan niini sa pagbatok sa Islamist militants.
Giingon ni Mangudadatu nga mamahimong kini ang iyang usa sa mga top agenda nga nahaum sa iyang peace and development platform.
Gikinahanglan sab sa usa ka nasud sama sa Pilipinas ang maong balaud sanglit dunay halapad nga recruitment sa mga terrorist fighters karon.
Sa maong balaud, giingon sa opisyal nga kinahanglan maprotektahan ang mga lugar partikular ang Liguasan Marsh sa Maguindanao nga maoy dakong gigikanan sa natural gas.
Suma sa pagtuon, potensyal ang Liguasan Marsh sa paglambo sa natural gas sanglit mamahimong anaa sa 583 billion barrels sa natural gas ang mahatag niini nga anaa sa one trillion sa US dollars alang sa nasud.
“We can preserve the Liguasan Marsh. Hintayin natin magkaroon tayo ng kapayapaan. By then investors will come in,” ingon ni Mangudadatu.
Si Mangudadatu adunay Peace platform nga Prosperity, Education, Agriculture, Cultural Unity, and Education diin sa maong agenda anaa kini sa pagsuporta ni President Rodrigo Duterte ug Hugpong ng Pagbabago founding chairperson Davao City Mayor Sara Duterte. (PR)