MIREKLAMO sa San Pedro Police Station niadtong adlaw’ng Huwebes, Abril 25, ang usa ka babaye human nailad dihang iyang nadeskubrehan nga peke ang iyang student driver’s license sa Land Transportation Office (LTO)-Davao.
Segun sa biktima nga si Nora, 24, ug residente sa Barangay 23-C, Poblacion, dakbayan sa Davao nga Marso 12, 2019 miadto siya sa LTO ug giduol siya sa usa ka alyas Mark dayon gikumbinsi nga tabangan makakuha og students’ permit (SP) license bugti sa bayad nga P1,600.
Hinuon gihatag sa maong tawo ang SP license apan niadtong bulan sa Marso miadto ang biktima sa Department of Foreign Affairs (DFA) aron mukuha og passport ug nakurat nalang siya dihang gisultihan siya sa taga DFA nga peke ang iyang SP license.
Tungod niini, nagpatala nalang ang biktima sa kapulisan aron ireklamo ang maong fixer.
Ang kapulisan nagtambag nga kung mamahimo dili magpadani sa mga hanyag sa mga fixer gawas sa LTO-Davao. (Richy F. Nalagon)