PATAY ang usa ka 21-anyos nga lalaki human makuryentehan dihang namisbis og bulak, Huwebes sa buntag sa Barangay Bago Oshiro, Tugbok District Davao City.
Ang biktima giila nga si Herman Nabuyo Jacosalem, stay-in sa lugar.
Sumala sa report, nakit-an nalang ang biktima sa iyang mga silingan nga nagbuy-od nga wala na’y panimuot didto sa nursery sa mga bulak.
Gilayong gidala sa pinakaduol nga tambalanan ang biktima apan gideklara kini nga patay na.
Sa pagsubay sa lugar, nakita nga dunay live wire ang nahagbaan sa biktima nga posibleng nabisbisan niya og tubig hinungdan nga nakuryentehan siya.
Gihaya na ang patay nga lawas sa biktima.