DI NA maihap ang mga nanag-away ug nanag-buwag sa dayon tungod lang sa way hinungdan nga mga post sa social media sama sa Facebok (FB).
Diay akong nakuha nga mga pahimangno gikan Ni Dr. Dawn Michael, PhD, usa ka clinical sexologist ug expertong mananambag kung maghisgot og relasyon, mga butang, kahimtang ug pagbati nga di-angayang ilad-lad atubangan sa tanan.
Una, di maayong ibulgar ang mga personal nga isyu o problema sa imong partner labi na kung wa kay permiso o pananghid bisag unsa pa mo ka suod kay kini maka-pawala sa pagsalig sa usag-usa labi na kung maka-uwaw gawas kung sila mismo maoy mi sugyot o mitugot.
Ayaw sab ibulgar inyong panagbangi labi na kung kini gamiton pagpanimalos kay segurado nga kini molanat ug mokatay ang mga komentaryo sa mga mo simpatiya o dapig. Kini makapasamot sab og sugnod og kayo sa sitwasyon ug maka-paguba sa repotasyon. Busa, ayaw hugaw-hugawi ang imong kaugalingon og pares kay seguradong negatibo ang panan-aw sa maka-basa niini unya lisod na bakwi-on.
Mahalong gasa. Di matukib ang kalipay kung ang imong paris mo surprisa nimo og mga mahalong gasa kay kini maka turn-off sa mga makabasa sa imong posts labi na kung ang naka-basa nanaglisod og halos kakha-tuka ang kahimtang. Insulto sab kini sa naghatag nga ang kalipay mao nga makakita nimo nga nakauyon sa iyang gasa ug di na angay pang ipanghambog.
Panagbuwag. Di na kinahanglan pang i-broadcast sa katilingban ang rason sa panagbuwag kay wa may labot ang ubang tawo sa inyong relasyon. In other words, mind your own business. Kung humana, humana! Ingon ini ra ka simpli. Diritso-a na lang og ilis ang imong ‘relationship status’.
Mga sexy, hilas ug pribadong selfie nga hulagway ninyong duha kay dilikado kining makaguba sa pagsalig sa usag-usa. Bastusan sab imong mga higala nga makakita ini di lang magpa dismolar.
Hinumdumi, kining social media di sumbunganan sa imong mga personal nga kalagot, sintiminto, ka- away, ug mga reklamo.