Pets pwede na isakay sa PUVs: LTFRB

CEBU. Mga pet owners sa tibuok nasud gitugutan na sa Land Transportation Franchising and Regulatory Board (LTFRB) nga pwede na isakay ang ilang mga alagang hayop sa public utility vehicles. (SunStar file photo)
CEBU. Mga pet owners sa tibuok nasud gitugutan na sa Land Transportation Franchising and Regulatory Board (LTFRB) nga pwede na isakay ang ilang mga alagang hayop sa public utility vehicles. (SunStar file photo)

MAAYONG balita alang sa pet owners tungod kay gitugutan na sa Land Transportation Franchising and Regulatory Board (LTFRB) nga isakay ang mga pet sa public utility vehicles (PUVs).

Giamyendahan sa LTFRB ang Memorandum Circular No. 2011-004 ngadto sa 2019-019 diin naghatag na kini sa pet owners nga mabiyahe ang ilahang pet sa pampubliko nga sakyanan.

“Animals must be put inside carriers or cages and placed at a designated animal compartment of the PUV should there be other passengers inside the vehicle,” tipik sa maong memo.

Ang maong lakang sa LTFRB subay kini sa panawagan sa pipila ka grupo nga nihangyo sa ahensiya nga hatagan og igong katungod ang mga hayop hilabi na sa mga pet subay sa Animal Welfare Law o Republic Act 8485.

Wala hinuon gisaysay sa LTFRB kon unsa nga mga hayop ang mamahimong pet.

Ang pet owner nga si Minerva Gerodias, kinsa nakapanag-iya og 12 ka iro, 22 ka iring, ug 2 ka bao malipayon sa maong lakang sa LTFRB.

“It's a welcome development. Daghan man gud pet owners nga gusto modala sa ilang mga furbabies sa vet clinic or ilang dad-on og suroy. Naa sad uban nga ilang dalhon ilang pets kay madugay sila sa ilang lakaw ug walay mabilin sa ilang buhi apan maglisud intawn sila kay dili sila pasakyon sa mga public transport,” sigon ni Gerodias sa Superbalita Cebu.

Gihulagway usab niini nga makatarunganon ang restrictions sa LTFRB nga ibutang sa cage o tangkal ang pet kon daghan ang pasahero sa PUV.

“I agree with the restrictions like dapat naka- cage ang pet kon daghan ang pasahero like in a jeepney or bus because we also have to consider the riding public. There are other passengers who do not like pets or may have fear of animals because of traumatic experiences in the past and owners should also be responsible to bathe their pets para dili sad manimaho while nagbiyahe,” dugang ni Gerodias. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph