MOKABAT kapin kun kulang 15,000 ka mga tawo nga gilangkuban sa mga athletes, coaches ug mga game officials, ingon man mga pamilya sa mga miyembro sa mga athletes ang gilauman nga present karong adlawa sa opisyal nga pag-abli sa Palarong Pambansa 2019 didto sa University of the Philippines-Mindanao Campus, Brgy. Bago Oshiro, Mintal, Davao City.
Sama sa gilauman nga usa sa mga halandongmamumulong mao si Presidente Rodrigo Duterte diin ang kapulisan ug kasundalohan daan nang gipang-deploy sa lugar alang sa seguridad sa nga delegado.
Atol sa opening, dunay mga pasundayag nga ipakita ang matag rehiyon nga maoy usa sa mga highlights sa seremonya.
Sumala ni Police Regional Office (PRO)-Davao director Marcelo Morales nga daan nang giandam ang mga pulis sa rehiyon aron magbantay sa palibot sa UP-Mindanao ug sa mga kuwarter sa mga atleta.
“Pagtulungan nating itawid itong napakalaking event ng maayos at mapayapa. Isa itong malaking karangalan at dito napiling ganapin sa ating lungsod. Ito ay nagpapatunay lamang na malaki ang tiwala nila sa mga security forces ng Davao Region at huwag natin silang bibiguin kaya hinihingi ko ang suporta at kooperasyon ninyong lahat,” sulti ni Brigadier General Morales.
Naka-istambay ang 4000 participating units gikan sa Security, Safety and Emergency Preparedness Response components sama sa PRO 11, DCPO, TF Davao, Regional Mobile Force Battalion 11, BFP, CIDG11, PDEA11, Phil Coast Guard, Central 911, Maritime Group 11, ug Police Auxiliary diin natigayon na ang sent-off ceremony niini alas 3 sa hapon niadtong Miyerkules didto sa Davao City Police Office.
Naglibot-libot sab ang mga pulis sa mga billeting quarters ug sa mga playing venue aron maseguro ang zero incident rate sa maong national meet.
“We do not yet receive any threats, hopefull rhere will never be. However, we are already prepared for everything. That is the role that we are playing today,” ingon ni Morales.
Gihangyo sa kapulisan ang katawhan nga mosabot sa mga gipatuman nga seguridad sa mga checkpoints labi na nga dungan kini sa peryod sa Comelec gun ban.