GIKALIPAY sa bise presidente ang pagtaas sa iyang rating ngadto sa kinse porsyento tungod sa mga programa sugod pa lamang sa unang adlaw nga paglingkod diha sa pangatundanan.
Nagpadayag si Bise Presidente Maria Leonor "Leni" Robredo sa iyang kalipay sa pagsaka sa satisfactory rating atol sa pagbisita sa siyudad sa Cagayan de Oro niadtong Abril 24 sa Xavier University.
"Masaya naman. Medyo malaki iyong itinaas ngayon, 15 points. Gustong sabihin, parang nagme-make naman ng mark iyong ginagawa ng opisina namin, kasi from Day 1 naman, talagang umiikot kami sa buong Pilipinas para sa aming Angat Buhay program,” matud ni Robredo.
Naglibot-suroy kini sa mga suok ug pobreng mga komunidad sa tibuok nasud aron masuta ang mga problema ug maaksiyonan sama na lamang sa Northern Mindanao, Lanao del Norte, Lanao del Sur ug Bukidnon.
"Pinupuntahan talaga namin iyong pinakamahihirap na mga lugar. In fact, dito sa may area niyo, marami kaming adopted communities sa Bukidnon, Misamis Oriental, sa Lanao — Lanao del Sur saka Lanao del Norte. Baka gustong sabihin lang noon, kahit paano nararamdaman iyong ginagawa,” dugang niini.
Gidugang pa nga maayo kini nga balita gumikan kay naghatag kini og dakong inspirasiyon ug paglaom aron nga mas palapdan ug ipadayon pa ang mga nasugdan na nga mga programa.
Ang maong satisfactory rating ni Robredo ningsaka og 15 puntos base na sa first quarter sa 2019 Social Weather Survey (SWS).
Nisaka kini gikan sa "moderate" ngadto sa "good" diin +27 sa bulan sa Disyembre ug +42 sa bulan sa Marso 2019. Ang maong pagtaas sa 15 puntos gikan sa pagsaka sa 26 puntos sa Luzon, 17 sa Visayan ug dos puntos sa Mindanao ug dos puntos nga pag-ubos gikan sa Metro Manila.