MAS nadasig pa ang kampo ni Mayor Oscar Moreno sa nigawas nga resulta sa gipahigayong independent poll survey sa Xavier University pinaagi sa Kinaadman: University Research Office (XU-KURO) nga gipagawas niadtong Abril 26, 2019.
Nasayran nga ang maong survey gikan sa Abril 4 hangtod Abril 11 diin sagad sa mga nakakuha og labaw nga boto mao nagagikan sa partido nga gipasilongan sa kasamtangang administrasiyon nga Partido Demokratiko Pilipino (PDP-Laban).
Sa gipagawas nga pahayag ni Moreno, gibutyag niini nga mas nadasig pa kini sa maong resulta diin giingong nakita ang ilang mga serbisyo tungod sa teamwork sukad sa paglingkod niadtong tuig 2013 ug pinaagi niini mas nadasig pa nga ipadayon ang tumong nga 11-0 matag distrito.
“In addition, the results have also suggested that we can sure attain our group objective of a sweep (11-0 for each district). It is already within reach! With this, we are - as one cohesive team - all the more encouraged. We earnestly hope that our message of teamwork and harmony will be embraced by the vast majority of our people in the remaining weeks,” pahayag ni Moreno.
Samtang wala naalarma ug nabalaka ang kampo ni Jose Gabriel "Pompee" La Viña sa maong resulta ug giingong "inconsistent" ang maong resulta.
"Results is a surprise as it is inconsistent with all other survey like our own and other surveys, dili na mao ang importante ang importante gasaka kita gakaubos siya, " matud ni La Viña.
Gidugang pa nga ang maong resulta wala nagpasabot nga daug na ang kaatbang gani giingong sa laing survey sa ikaduhang distrito sa siyudad dako matud ang labaw sa kampo sa partido Padayon Pilipino ni kanhi mayor Vicente Emano ug Centrist Democratic Party (CDP) sa kampo ni Rufus Rodriguez samtang nabiyaan sa unang distrito nga matud pa dako kaayo kining apason.
Gidugang pa nga niubos matud ang pagsalig sa katawhan ngadto kay Moreno nga anaa sa 80 porsyento kaniadto karon anaa na lamang matud sa 30 porsyento.
Gikan sa 80 porsyento nga pagsalig sa katawhan ni Mayor Oscar Moreno karon mi-ubos na ngadto sa 30 porsyento nagpasabot nga dili na mailad ang Kagayanon sa mga kurapsiyon nga gihimo niini sa dakbayan.
Samtang nagpasalamat usab si Rodriguez sa nigawas nga resulta apan giingong mas maningkamot pa ilabi na nga dili pa kini ang adlaw sa eleksiyon.
“Surveys are not elections, election day happens on May 13, so we have to just work hard in fact even work hard now even with the results,” matud ni Rodriguez.
Gibutyag usab ni Konsehal Leon Gan sa Padayon Pilipino ang niingon nga wala kini sila nasubo sa nigawas nga resulta tungod kay layo kini sa kamatuoran.
Nasayran nga nigawas sa resulta nga nakakuha si Moreno og 61.5 porsyento ug gisundan ni Jose Gabriel "Pompee" La Viña sa 16 porysento samtang si Vice Mayor Rainier Joaquin "Kikang" Uy kinsa running mate ni Moreno nakakuha og 55 porsyento samtang ang kaatbang nga si kanhi mayor Vicente Emano nakakuha og 23.6 porsyento.
Sa distrito uno usab sa pagka kongresista nag-una ang kasamtangang kongresista nga si Rolando Uy sa (PDP-Laban) nga dunay 66.1 porsyento gisundan ni Caesar Ian Acenas (PDP) sa 16.4 porsyento ug mas nakakuha usab og suporta sa katawhan sa distrito dos mao si Rufus Rodriguez nga dunay 59.2 porsyento nga gisundan ni Yan Lam “Alam” Lim sa 19.4 porsyento.