GISEGURO karon sa Department of Education (DepEd) nga ila gayod nga maatiman ug mabantayan ang mga atleta nga misalmot sa Palarong Pambansa 2019 nga malayo sa bisan unsang matang sa sexual abuse.
Segun ni DepEd Undesecretary ug Palaro 2019 secretary-general Revsee Escobedo, nga plastar na ang Child Protection Committee nga maoy moseguro nga di gyod maabuso ug mabastos ang mga student-athletes.
Dugang sa opisyal nga gikinahanglan nga ang tanang regional delegations mosunod ug motuman gayod sa DepEd Order No. 40 series of 2012, kun ang Child Protection Policy (CPP) sa DepEd.
Kahinumdoman gibutyag ni DepEd Secretary Leonor Briones nga himuon ang tanan aron mapatubag sa balaud nga nahimo ang si bisan kinsa man nga mosupak sa katungod sa kabataan.
“Behaviors that endanger the physical and mental well-being of our learners are not tolerated in the Department,” ni Briones.
Mas gipahugtan karon sa DepEd ang pagbantay sa mga atleta aron di na masubli ang nahitabo sa Palaro 2018 didto sa Ilocos Sur sa pagdakop sa usa ka magtutudlo gikan sa Cebu City nga alegasyong nanggakos ug nanghalok og usa ka ulitawo nga estudyante.
Kay nahitabo ang sa ingon, lagmit magduha-duha na sa paghimo ang mosunod gumikan mas gibutangan og ngipon ang maong DepEd Order.
Nasayod ang tanang administrador sa tunghaan sa tinuod nga batasan sa ilang gipadala nga mga magtutudlo, aron di sila maulawan.
Ang kauwaw baya, di gyud mawala sa hunahuna, busa mag-igmat ang mga magtutudlo nga gipadala sa Palaro 2019.