SUPERBALITA CEBU

Barrita: Love scam

ANG Amerikanhong master showman nga si P. T. Barnum niingon, “There is a sucker born every minute.” Mao kana nga hangtod karon daghan lang gihapong mga tawo ang mailad. Kon bright ang nailad, mas labi pang bright ang nangilad.

Kon nakahinumdom pa mo, dihay panahon nga nikatap ang pangilad sa “fake gold bars.” Pakitaon ang biktima sa tinuod nga sinaw kaayong bareta sa bulawan, pero inig bayad na, ang mini nga gold bar maoy ihatag.

Diha pay ilad nga pabutangon ang biktima og puhunan para ipalit og sigbin uban ang saad nga dako kaayog ganasiya kay dunay mopalit og tag usa ka milyon ka pesos. Kay nasakpan ang ilad sa sigbin, niabot sab ang ilad sa tiki u tuko kay lagi tambal kuno sa cancer.

***

Niadtong miaging Huwebes, giwarningan sa Bureau of Customs (BOC) ang publiko mahitungod sa giingong “Love Scam” nga nigamit sa ngan sa maong ahensiya sa kagamhanan ginamit ang social media ug sa email.

Ang gugma gihimo nang pangwarta sa Internet. Kasagaran sa mga biktima mga Pilipina nga namasin nga makauyab ug maminyo og usa ka langyaw. Mao kini ang modus operandi sa gitawag nga love scam.

Ang mangingilad magpakaaron-ingnon nga langyaw nga ikahimamat sa Pilipina sa social media apan wa niya makita sa personal. Kunohay manguyab sa Pilipina. Unya moingon nga magpadala og linibo nga dolyares sud sa package ug ang inosente nga Pilipina maoy pabayron sa freight pinaagi sa money remittance center.

***

Ang nahitabo sa BOC mao nga usa ka Pilipina nakadawat ug fake email gikan sa maong ahensiya. Ang consignee kon gipadad-an sa package gipabayad og P10,700 nga customs processing fee sa iyang package pinaagi sa usa ka money remittance outlet.

Ang e-mail gikan sa “boccarephilgvt@tech-center.com” ubos sa ngan nga “Danica Mae Chavez.” Sumala pa sa BOC ang maong e-mail account di opisyal nga account sa ilang ahensiya ug si Chavez di nila empleyado.

Ang BOC miingon nga ang bayad sa customs duties ipaagi sa ilang authorized agent bank (AAB), di sa personal nga bank account o sa bisan unsang money remittance center.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph