KUMPYANSA ang Misamis Oriental Commission on Elections (Comelec) nga dili ka porma ang mga New People's Army (NPA) sa probinsya.
Kini ang gibutyag ni Atty. Aleli Ramirez, provincial Comelec officer, kinsa miingon nga gipaniguro ni Misamis Oriental Provincial Police Director Rolando Destura ug Lieutenant Colonel Roy Derilo sa 58th Infantry Battalion sa 4ID-Philippine Army (PA) nga malinawon ang umaabot nga piliay.
"Gipanghingusgan gyud sa atong kasundalohan ug kapolisan nga peaceful gyud ta dinhi sa Misamis Oriental. Ang concern diri is NPA but naa koy dili madivulged so kampante ko nga 100 percent dili sila ka porma," matud ni Ramirez.
"Sa mga intense political rivalry, wala man pod diri sa ato ang atong intense political rivalry diri binabaay raman, wala man tay armas," dugang niini.
Dinhi sa probinsya, labina nga ubos sa martial law ang Mindanao, gikonsiderang election hotspot ang tanan area apan aduna pay mga barangay sa lalawigan nga gihatagan og pagtagad.
Gikan sa lungsod sa Magsaysay, ang Comelec adunay listahan sa gikonsiderang hotspot sa lungsod nga mao ang Barangay Abunda, Damayuhan, Cabalawan, Gumabon, Mindulao, Tibon-Tibon, Tinaan ug Tama.
Sa lungsod sa Kinoguitan, ang mga hotspots mao ang Kagumahan, Kalitian, Salubsob.
Sa lungsod sa Lagonglong, hotspot ang Banglay, Gaston, Manaol, Umagos.
Sa lungsod sa Alubijid, ang Tula, Sungay ug Tugasnon mao ang hotspot.
Sa lungsod sa Balingasag, hotspots mao ang Sito Lantad ug Kiwali sa Barangay Kibanban, Quezon, Napaliran, Linabu, Dansuli, San Juan, Rosario, Tugastugason, Blanco, ug Camuayan.
Ang lungsod sa Medina, hotspot labina ang Barangay Sitio Labas-Pagsama San Isidro, Sitio Baluarte Dig-aguyan, Sitio Ki-imbaw San Jose, Sitio Holywood, San Jose, Sitio Sidlakan Bangbang, Maanas, San Vicente, ug Pahindong kon asa giigong adunay presensya sa NPA.
Sa Sugbongcogon mao ang Ampianga, Kidampas, Kaulayanan.
Sa Talisayan, hotspot ang Casibole ug Macopa.
Sa siyudad sa Gingoog, hotspot mao ang Kalipay ug Eureka.
Walay natalang hotspot sa lungsod sa Gitagum, Initao, Jasaan, Laguindingan, Libertad, Lugait, Manticao, Naawan, Opol, Salay, Tagoloan, Villanueva ug El Salvador City.