MOKABAT sa 22 ka mga high-powered firearms sa New Peoples' Army (NPA) ang narekober sa bukirang bahin sa Davao del Norte human mitahan sa gobyerno ang tulo ka gituohang miyembro sa mga rebelde nga sakop sa Pulang Bagani Company.
Sa report, na-monitor sa kasundalohan ubos sa 1003rd Infantry Brigade ang mga NPA sa bukirang utlanan sa Davao City, Davao Del Norte, ug Bukidnon hinungdan nga nanagan ang mga armado.
Sa dapit narekober sa kasundalohan ang 22 ka mga high-powered firearms ug pipila ka mga subersibong dokumento diin tulo ka NPA ang mitahan.
“The peace initiatives of our local government units send a goodwill message to our lost brothers that indeed, the government is still the best ally,” pamahayag ni Lieutenant General Felimon T. Santos Jr., commander sa Eastern Mindanao Command.
Ang mga mitahan gidala sa Naval Station Felix Apolinario Panacan, Davao City aron ipailawom sa stress debriefing.