SUPERBALITA CEBU

Mga pulis sa checkpoint gikiha; Sinas, Garganera nanalipod sa pulis

ANG hepe sa Cebu Mobile Company Force ug pipila sa iyang mga sakop gipasakaan og mga kasong kriminal sa mga drayber ug supporters nila ni Mayor Tomas Osmeña ug Konsehal Mary Ann de los Santos human motumaw ang tensyon usa ka police checkpoint sa Barangay Kasambagan, Dakbayan sa Subo niadtong Dominggo sa gabii, Abril 28.

Sa usa ka complaint, si William Armian Jr., nipailang supporter ni de los Santos, niingon nga si Si P/Maj. Chuck Barandog nipasangil nga nihulga kaniya nga pusilon siya human kini nimando kaniya sa pagpahunong.

Nagsunod siya sa sakyanan ni de los Santos niadtong higayuna.

Tungod sa hitabo, si Armian nipasaka og kasong grave threats, kalapasan sa Republic Act 6713 kun Code of Conduct and Ethical Standards for Public Officials and Employees, kalapasan sa Commission on Elections (Comelec) Resolution 10468 nga nagtakda sa pagbutang og checkpoints atol sa pagpatuman sa gun ban ug grave misconduct.

Si Barandog niingon nga wa mohunong sa ilang checkpoint ang usa ka motorsiklo nga apil sa convoy ni de los Santos sa ilang checkpoint.

Gitataw ni Barandog nga wa siya masayod nga apil sa convoy ni de los Santos ang mao nga tawo.

Abagan

Ang Police Regional Office 7 motabang sa mga pulis sa siyudad sa Sugbo nga gipasakaan ning mao nga mga kaso.

Wa mabalaka si Police Brigadier General Debold Sinas sa gipasakang mga kaso sa Cebu City Prosecutor’s Office.

Matod ni Sinas nga ang PRO 7 motabang sa legal nga aspeto sa iyang mga sakop.

Giandam na usab nila ang kaso nga ipasaka batok sa mayor ug delos Santos sa Ombudsman Visayas tungod sa pag harass sa mga police.

Nagpasalamat na lang ang heneral nga atol sa paglikay sa mga convoy ni delos Santos, wa kini paaraki sa mga pulis nga nag checkpoint nga moresulta na unta sa dugoon nga hitabo.

Nakatabang usab matod pa ang blessing ni Cebu Archbishop Jose Palma ug ni Papal Nuncio Gabriel Caccia atol sa National Youth Day.

“Swerte lang gani to sila wala sila giratrat, Kabalo ka, it’s a legitimate checkpoint. Wala sila mohunong didto. Kon didto to sa Mindanao or sa didto kaha sa Luzon nahitabo, basin giratrat na to,” matod ni Sinas.

Awhag niya sa mga driver nga tumanon lang unsay naa sa balaod sa checkpoint.

Nakasaway siya sa batasan nga gipakita ni Osmeña ngadto sa mga pulis nga iyang gisinggit-singgitan nga daw sa nag yaga-yaga sa iyang mga sakop base sa video nga iyang nakita.

“Ang pulis nga nag-implement lang tapos imong yaga-yagaan sa check point? Very bad. Tapos iya pang singgit-singgitan. Could you just imagine, kon siya kaha akong singgit-singgitan, ako kaha i-authorize akong mga pulis nga kon moadto siya, singgit-singgitan pud siya,” dugang ni Sinas.

Bisan si Konsehal Joel Garganera nakasaway kang Osmeña.

Gihulagway ni Garganera ang gibuhat ni Osmeña nga pagpang-harass sa kapulisan pinaagi sa pagpangisog.

Si Garganera, chairman Police Advisory Council, niingon nga wa gipakanaog sa pulis ang mga sakay sa private vehicle.

Si Konsehal Mary Ann de los Santos ang nikanaog sa sakyanan sukwahi sa iyang pangangkon ni Osmeña sa Facebook page nga napatik sa newspaper.

“I’m not here to defend the PNP because they can defend themselves. I am just trying to point out the inconsistency sa ilang allegation,” matod ni Garganera.

“Makita ninyo sa video nga the checkpoint was in the well lighted area. There is a sign and uniformed policemen contrary to their allegation nga dili hayag,” dugang sa konsehal. (AYB, PAC, RVC sa SunStar Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph