KABISAY-AN -- Taliwala sa tinuyo nga mga pagsaway, gipamatuod sa Otso Diretso nga sila nagpadayon pagkakusog sa ilang tibuok puwersa nga mibisita sa Cebu ug Bacolod ning pipila ka adlaw.
Sa panagtigom sa Cebu sa miaging Domingo, gipakita sa bumabalik nga senador nga si Mar Roxas nga tibuok ang iyang suporta sa iyang mga kauban sa 'senatorial.slate.' Game na game nga nakig-uban si Roxas sa mga group photo ug nakigsultiay pa sa mga kaubang kandidato-- sa pagpamakak sa mga tsismis nga nagkinaugalingon na siya sa kampanya paingon sa Senado.
Mihirit si Roxas sa mga Sugbuanon nga usa ra ang iyang hangyo kanila sa umaabot niyang sumad sa adlawng natawhan ug kini mao nga padag-on siya ug ang pito niyang mga kauban sa nagsingabot nga piniliay-- nga naatol mismo sa iyang birthday sa Mayo 13.
"Puwede bang i-regalo ninyo kanako sa akong birthday ang inyong boto?" matod niya sa mga Sugbuanon, nga nanghugyaw ug misugot. Dayon gipuno niya uban sa iyang pangandoy ang Otso Diretso, mao nga "walo kana ka birthday, puwedeng puwede!'
Sa iyang pakigpulong, misulti si Mar nga angay suportahan ang Otso Diretso para "ang gobyerno mamahimo nga tinuod nga dumadapig sa mga Pilipino."
"Kana ang hinungdan nganong gipatigbabaw nato ang atong mga pangandoy ug ang Otso Diretso, aron duna nay mga tawo nga molihok alang sa kaayohan sa mga ordinaryong Pilipino."
Dunay hisgot-hisgot nga kuno ang senatorial line-up sa oposisyon wa magkasinabtanay tungod kay dili sila makit-an nga nagkakuyog. Gi-target sa maong mga hisgot-hisgot si Roxas, nga hilom nga naglibod-libod sa ubang mga dapit sa Pilipinas. Dugay na kining gipanghimakak sa mga kandidato, tungod kay gihimo lang kini aron dauton sila.
Sa pamahayag ni Bise Presidente Leni Robredo, usa sa mga aktibong nangampanya para sa Otso Diretso, na-estoryahan na nga magkuyog ang walo ka kandidato para sa dakong okasyon-- apan kalagmitan tinuod nga nagbulag-bulag sila nga naglibod aron mas daghan ang maadto nga mga lugar sa Pilipinas.
Gihimo kini sa Otso Diretso tungod sa mga kakulian sa kampanya, sama sa kakulang sa pundo ug campaign materials, lakip na niini ang pagpanago sa mga lokal nga opisyal nga kaniadto ilang kaalyado.
Bisan dili siya pirme nga mokuyog sa grupo, may mga higayon man nga ikuyog ni Roxas ang ubang mga kandidato sa mas gagmay nga panagtapok uban sa mga suporter.
Nakig-atubang ang Otso Diretso sa basehanang sektor sa Cebu sa miaging Dominggo, dihang nagkahiusa sila sa paglunsad dinhi sa Ahon Laylayan Koalisyon, usa ka proyekto sa opisina ni Robredo. Nahiuban dinhi si Roxas ug ang mga kandidatong kaalyado nga sila Senador Bam Aquino, Magdalo Rep. Gary Alejano, kanhi congressman Erin Tanada, kanhi solicitor general Pilo Hibay, kanhi ARMM assemblywoman Samira Gutoc, ug ang mga beteranong abogado nga sila Romy Macalintal ug Chel Diokno.
Ang Ahon Laylayan Koalisyon nag-ugmad nga usahon ang mga basehanang sektor aron pakusgon ang ilang mga tingog ug makuha ang atensiyon sa kagamhanan bahin sa ilang panginahanglan. Human kini gibuksan sa Cebu, gilusad pod ang proyekto didto sa Bacolod, diin nangadto pod ang mga kauban sa Otso Diretso-- nga mingsaad nga ilang ipatigbabaw ang kaayohan sa mga ordinaryong Pilipino kon modaog na sila sa Senado. (Sponsored Content)