ADUNA nay giila mga persons of interest ang kapulisan sa siyudad sa Sugbo sa mipusil-patay sa barista sa usa ka coffee shop ug sa empleyado niini nga nahimutang sa dalan F. Ramos, dakbayan sa Sugbo, niadtong Abril 11.
Matod ni Police Brigadier General Debold Sinas nga kini ilang gikonsiderar usab nga maoy mga prime suspects pagpusil-patay nilang John Michael Hermoso, Kis Katy Ramos ug miangol usab sa laing trabahante.
Hinuon, wala lang una hinganli ni General Sinas ang mga suspek sanglit nagpadayon pa ang ilang imbestigasyon. Giingon nga kining maong mga suspetsado sa mga nasaksi sa krimen.
Duha ang ilang naila usa niini ang driver sa motor nga maoy gisakyan pag iskapo sa mga mamumuno.
Sa ilang monitoring naa pa sa Sugbo ang duha nag tagotago sigun sa mga pamahayag sa mga nakaila niini.
Complicated love affair ang gisubay nga angulo sa kapulisan diin ang target mao ra gyud si Hermoso ug giingong naangin lang si Kis Ramos ug ang duha nga naangol.
“We have already identified a persons of interest most likely to be our prime suspect, we have eye witness account we have corroborative statement, I will not reveal the name yet,” matod ni Sinas. Wala na mo hatag sa background si General Sinas aron dili masunog ang ilang operation.
Awhag ni Sinas sa prime suspects nga labing maayo nga mo tahan nalang kini sa iyang kaugalingon nga malinawon aron walay dautang mahitabo kaniya.
Gawas sa CCTV footage sa gawas sa coffee shop aduna pay laing video nga makita ang panagway sa gunman nga maoy gitumbok sa mga saksi. (AYB)