ANG host nga Davao Region (Davraa) Eagles natagak sa pinaka-ubos nga pwesto, diin sa overall medal tally, anaa kini sa ika-16 nga pwesto, gikan sa 17 ka rehiyon nga misalmot sa ikaduhang adlaw sa Palarong Pambansa 2019 nga gihimo sa nagkadaiyang venue sa Davao City as of 3 p.m. Martes, Abril 30.
Ang Davraa Eagles mipupo lamang og tulo ka silver medals ug pito ka bronse samtang ang Western Visayas (WVRAA), nga mihakot og 11 ka bulawan, unom ka silver ug pito ka bronse ang naunhan na ang Calabarzon Region (STCAA) nga may pito ka bulawan, lima ka silver ug pito ka bronse sa nag-unang pwesto.
Ang STCAA nabutang sa ikaduhang pwesto sunod ang 7-5-2 Soccsksargen sa ikatulo, 6-2-7 Cordillera Administrative Region (Caraa) sa ikaupat ug defending champion 5-8-6 National Capital Region (NCRAA).
Sila Davao City tankers Eirron Seth Vibar ug Juliana Marien Villanueva napakyas nga makuha ang bulawan ug nag-igo na lamang sa silver
sa lumba langoy sa Davao City-University of the Philippines (UP) Sports Complex Aquatics Center.
Ang 16-anyos nga si Vibar mioras og upat ka minutos ug 17.18 segundos sa secondary boys 400-meter freestyle, nagsunod kang NCRAA’s Miguel Barreto (4:08.68) nga miangkon sa bulawan.
Ang kauban sa una nga si Ted Jacob Laminta (4:27.18) miangkon sa bronse.
“Grabe it’s overwhelming. I am proud of myself for winning a silver because I only got a bronze in last year’s Palaro,” suma sa Grade 10 Apo Learning Village student, nga kaunom ka beses ng miduwa sa Palaro.
Si Villanueva, sa iyang bahin, napabilin ang secondary girls 400m freestyle silver nga iyang nadag-an sa Ilocos Sur Palaro niadtong 2018.
Apan naguba niya ang iyang oras nga 4:46.25 record sa bag-ong oras nga 4:43.29.
Ang nagtigi nga sila Janelle Alisa Lin sa Ilocos Region mirehistro og 4:40.97 aron makuha ang bulawan samtang si Soccsksargen’s Thea Diane Canda (4:44.02) miangkon sa bronse.
“I just thought of doing my best during the swim. I feel happy though for beating my time,” niya sa pakighinabi sa SunStar Davao.
Samtang si Liaa Margarette Amoguis (elementary girls 200m freestyle) ug Rain Tumulac (elementary boys 200m freestyle) mikuha sa bronse.