MATAG indibidwal may giingong “unique signature voice.” Kung fan kamo sa pagpaminaw og mga radio stations, o makadalikyat sa mga mall events, ug ubang aktibidad sa siyudad, for sure pamilyar mo sa tingog ni Joey Sy-Domingo.
Si Joan Marie (tinuod niyang ngalan) nangandoy nga mahimong TV news anchor and talent.
Apan aminado siyang di sayon ang pag-angkon niini, mao nga gisunod ang gusto sa amahan, mikuha siya sa kursong architecture.
Apan 2001 usa ka oportunidad ang miabot kaniya, dihang ang 105.9 Mix FM nangita og radio newscaster. Mipadala siya og demo, and the rest was history.
Tuig 2009 napromote si Joey as station manager.
“I was fortunate to be given so many opportunities including managing a Radio Station at a very young age. As a station manager, I learned how to understand, adjust, and communicate sideways with different personalities.”
Apan 2013 nag-final broadcast ang Mix FM.
Human niadto, didto na sab siya as station manager sa Oomph Radio 97.1, usa ka top 40 and Original Pilipino Music (OPM) station nga gipanag-iyahan sa Viva Live Inc.
Apan mibiya siya sa trabaho human nakadesidar ang kompanya nga i-rebrand ang istasyon.
Tuig 2017 gitanyagan siya nga magtrabaho isip program director/radio presenter sa FM1, usa ka FM station nga gipanag-iyahan ug gi-operate sa government-run Philippine Broadcasting Service (PBS).
“I’ve realized that if you aren’t passionate about something, it is hard to express your true self to anyone. If you cannot identify with an activity that you are exploring, then it’s hard to truly understand yourself as an individual,” ni Joey.
Luyo nga siya radio personality, in-demand sab siya nga host.
“I’ve been hosting for 19 years. It’s something that I love to do. It doesn’t feel like work anymore,” angkon ni Joey.
Si Joey, nga mag-39 karon nga tuig nagkanayon nga buot niyang modasig og mga kabataan nga buot mosunod kaniya pinaagi sa programang “Stand and Deliver”.
“I’m focused on inspiring kids, to help make everyone shine and be confident on stage. My program truthfully helps foster talents find their voices and get opportunities in hosting and Voice Over industry. Truly, it is nice to give back. It is really about paying it forward by using our talents to help others.”