ANG Bagong Henerasyon (BH) Party-list mopadayon sa ilang mga nasugdang serbisiyo labi na ang pagtabang sa mga Pilipino, lakip na ang pagduso og mga balaudnon nga makabenepisyo ang katawhan.
Malaumon karon ang BH Partylist No. 53 nga makabalik kini pag-usab sa Kongreso aron mapadayun ang mga proyekto ug programang nasugdan sa nilabay nga termino niini.
Sa kasamtangang kongreso dunay usa ka representante ang Bagong Henerasyon Party-list kini si Congresswoman Bernadette Herrera, kun diin daghan og mga programa ilabi na sa pagtabang sa mga kababainhan, panginabuhian ug panglawas ang ilang gitagaan og nag-unang pagtagad.
Daghag mga livelihood programs ang nahatag sa BH Party-list sa mga Pilipino sa daghang dapit sa nasud, walay-puas sab ang mga ginapahigayong medical, dental ug optical mission sa party-list group kauban ang uban pang grupo ug sektor.
Sa hisgutanang pagduso og mga balaudnon nga maoy nag-unang tahas sa usa ka magbabalaod, nahimong kabahin ang BH Partylist sa pagpasar og pipila ka mga importanteng balaod sa ubos balay balauranan.
Apil na dinhi ang pagpasar sa Expanded Maternity Law, Universal Healthcare Law, Free Education ug uban pang balaudnon nga hingpit nga napirmahan ni Presidente Rodrigo Duterte.
Sumala ni Cong. Herrera, kung duna nay balaudnon sama sa House Bill No. 9177 (Water Regulatory Act) mabantayan na ang supply sa tubig sa nasud ug dakog posibilidad nga dili na mausab pa ang nahitabong krisis sa tubig nga nasinati sa pipila ka mga dapit sa Metro Manila bag-uhay lang.
“Mahalaga itong batas na ito, kasi this will ensure that our water sources are protected, and the Filipinos are assured of enough supply of potable water wherever you are in the country., patuloy natin itong isusulong na batas kaya sana mabigyan pa tayo ng pagkakataon ng mga Pilipino na maipagpatuloy ang serbisiyong BH na matagal na nating ipinararamdam sa kanila,” butyag ni Cong. Herrera sa usa ka interview.
Padayunon sab sa BH Partylist ang pagtabang sa mga kababainhan ug paghatag og malahutayun nga oportunidad ug panginabuhian alang kanila. Mas palapdan pud nila ang paghatud og serbisiyong medikal sa katawhang Pilipino.
Sa pinakaulahing survey sa Pulse Asia alang sa mga Partylist groups, usa ang Bagong Henerasyon sa mga nag-una, kun diin nakaseguro na kini og usa ka lingkuranan sa kongreso sumala sa maong survey. (PR)