Pulis nag-suicide?

DAVAO. Ang kuwarto sa pulis diin asa siya nahagba. (Hulagway sa San Pedro PNP)
DAVAO. Ang kuwarto sa pulis diin asa siya nahagba. (Hulagway sa San Pedro PNP)

WALA masayri unsay hinungdan sa giingong accidental discharge of firearm sa patrolman nga si Lloyd Tolentino Ligue nga misangko sa iyang kamatayon.

Natahap ang pipila human nga sa ulo gayod natunong ang pagpusil Lunes sa gabii diin pagka-alas 10:17 sa buntag Martes, Abril 20, gideklarang namatay ang biktima sud sa Southern Philippines Medical Center (SPMC).

Una niini kritikal nga kondisyon ang nahiagoman sa biktima kinsa napalgang nagbuy-od nalang sud sa kuwarto sa ilang balay sa Brgy. 37-D, Trading Boulevard, dakbayan sa Davao.

Ang biktima nadistino sa Mobile Patrol Group (MPG) sa Davao City Police Office (DCPO).

Sa inisyal nga imbestigasyon, migula nga una pa man nahitabo ang insidente, miuli ang biktima sa ilang panimalay ug nanawag ang ka-live in partner niini nga lima ka bulang buntis, gumikan mireklamo sa sakit sa tiyan.

Pag-uli sa biktima, gibutang niini sa cabinet ang iyang armas nga usa ka 9mm nga pistola, apan giingong kalit na lamang kini nga mibuto igo sa tuong bahin sa ulo.

Gipailawom na sa autopsy ang patay nga lawas sa biktima alang sa dugang imbestigasyon. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph