HUGOT nga gibantayan sa kapulisan ang mga election paraphernalia nga nahidangat na sa siyudad niadtong nilabay nga semana diha sa F2 logistics hub, Siyudad sa Cagayan de Oro.
Anaa sa 401 ka Electronic Voting Machine (EVM) ug Voter's Registration Verification Machine (VRVM) ang niabot niadtong nilabay nga semana samtang Miyerkules sa kaadlawon nahidangat na usab ang opisyal nga mga balota.
“Abot na official ballot dari sa hub, ila pa e-loading then deliver dadto sa city treasurer," matud ni Ramil Acol, City Comelec officer sa Commission on Elections (Comelec).
Giingong gitagbo kini sa tinugyanan sa kapulisan ug dalhon sa logistics ngadto na sa city treasurer ug hugot kini nga bantayan sa mga otoridad.
"Ihatod sa logistics didto sa city treasurer, tanan nga mga lihok ana that's secured sa atong Philippine National Police,” matud ni Acol.
Ang maong mga paraphernalia nga anaa sa F2 logistics hub naglakip na sa Camiguin, Bukidnon ug Misamis Oriental.