SECTIONS
Tuesday, September 17, 2019
SUPERBALITA CEBU

MCPO kampiyon sa pagkontrolar bahin sa kasamok

TUNGOD sa ilang kapaspas, kaabtik ug maayo nga paglihok, ang kapulisan sa dakbayan sa Mandaue City Police Office (MCPO) ang nahimo nga kampiyon ning tuiga nga Civil Disturbance Management (CDM) Competition 2019.

Ang maong tigi ang gihimo na matag tuig isip usa ka paagi nga mapahinumdoman ang kapulisan nga naglangkob sa CDM unit sa ilang mga angay nga buhaton kon ugaling adunay mga dinagko nga mga rally o bisan na diha sa mga picket sa mga tawo batok sa kagamhanan o bisan na diha sa mga kompanya.

Diin nagkinahanglan ang pagpatunga sa kapulisan.

Kon sa niagi nga tuig anaa lang sa ika-duha nga dapit ang MCPO, ning tuiga nalangkat nila ang titulo nga kampyeon, 2nd kanila ang Cebu City Police Office (CCPO), ug 3rd placer ang gikan sa Lapu-lapu City Police Office (LLCPO).

Laing police offices nga nisalmot mao ang Cebu Provincial Police Office (CCPO), Bohol Provincial Police Office (BPPO), Negros Oriental Provincial Police Office (NOPO)ug Regional Mobile Force Battalion (RMFB).

Gihimo ning tuiga nga kompetisyon niadtong Martes sa buntag, Abril 30, diha sa Police Regional Office (PRO-7) grounds.

Matag bulan sa Marso o di ba kaha Abril, himuon gyud ang CDM competition.

Matud ni MCPO director Police Colonel Julian Entoma nga nag-una nga pahinumdom niini, mao ang taas nga pasensya, pagpailob ug ang expertise ug skills, diha sa pagdepensa sa lugar nga dili gyud masudlan sa mga rallyista, ilabi na niadtong mga nagtinguha og kagubot.

Kasagaran nga adunay mga rally nga mahitabo, diha sa Mayo, ilabi na sa Labor Day, atol sa piniliay, ilabi na sa canvassing of votes, diin, adunay mga supporter o ubang mga grupo nga buot nga gubton ang piniliay, ug sa mga mosunod pa nga mga kalihukan.

“Ang ato raman gyud pirme nga gi-remind maximize the maximum tolerance, kon bearable pa, taas pa gyud pasensya. Presence of mind, dili gyud mopusil ug magpabuto, ang anaa sa CDM wala gyud nay armas, dili lang gyud dayon mamunal. Naa lang component nga maoy nagsuporta nila. Dapat alert gyud, ug dili magpadala sa mga aggressor,” asoy ni Entoma sa Superbalita Cebu.

Hinuon, gihulagway ni Entoma nga ang mga militante nga pundok dinhi sa Sugbo, mas malinawon man kon mohimo og rally, ikompara sa kaulohan.

Ang MCPO ang adunay 38 ka personnel nga naglangkob sa CDM, anaa nay pipila niini ang sakop sa Special Weapons and Tactics (SWAT), sa City Mobile Force Company (CMFC), Public safety ug mga pulis sa kada estasyon sa kapulisan.

Usa sa criteria diha sa CDM competition ang presentation, ang ka-snappy, kapaspas ug insakto nga alignment diha sa nagkadaiya nga formation alang sa pagpanalipod sa publiko.

Anaa usab ang kaantigo sa pagsulbad sa problema ug kompleto nga ekipo.

Gawas sa trophy, nakadawat usab sila og P75 mil nga premyo gikan kang Police Regional Office (PRO)-7 director Brigadier General Debold Sinas. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph