SECTIONS
Saturday, September 21, 2019
SUPERBALITA CEBU

Pulis ‘nag-misencounter’

SUGBO. Sigon ni Police Regional Office-Central Visayas Director Debold Sinas aduna'y nahitabong misencounter tali sa kapulisan sa probinsya tali ni Yballe. (Hulagway kuha ni Arnold Y. Bustamante)

HEPE sa Police Regional Office 7 nihimakak sa nanggawas nga balita nga ang napatay nga pulis sa Barangay Sudlon 1 maoy prime suspect sa pagpatay kang Police Master Sergeant Junard Cinco sa siyudad sa Toledo.

Gihulagway usab ang hitabo nga misencounter.

Tungod sa hitabo, si Philippine National Police Director Oscar Albayalde nimando sa pagrelibo sa 18 ka mga sakop sa Provincial Intelligence Branch (PIB).

Gihimakak ni PRO 7 Director Police Brigadier General Debold Sinas ang unang migawas nga mga report nga napatay si Police Corporal Feliciano Yballe sa mga sakop sa PIB tungod kay siya ang giila nga prime suspect sa pagpatay kang Cinco.

Si Cinco gipusil sa riding in tandem sa national highway sa Barangay Media Onse, Siyudad sa Toledo niadtong Lunes sa buntag sa dihang naghatod kini sa iyang asawa sa trabaho.

Matod ni Sinas nga ang mga sakop sa PIB nagpahigayon og follow up operation sa Barangay Sinsin, bukirang dapit sa siyudad sa Sugbo human masayod nga didto misibat ang duha ka mga killer.

Nakig-alayon unta sila kang Yballe, apan sa dihang nanuktok sila sa balay sa pulis, kalit lang sila nakadungog og buto sa armas.

Gituohan nga gikan sa sulod ang buto hinungdan nga ningbawos ang mga operatiba.

“The team of CPPO proceeded to the house of Corporal Feliciano Yballe suppose to seek assistance and guide them. However, misunderstanding among the operatives from the CPPO and the Yballe camp occurred which resulted to the misencounter among PNP operatives that led to the death of Police Corporal Yballe of Cebu City Police Office,” pagpasabot ni Sinas.

Nitug-an, matod pa, ang live in partner ni Yballe nga sa milabayng mga adlaw nakadawat og hulga sa kinabuhi si Yballea gumikan sa iyang kalambigitan sa pagpanakop sa big time drug personalities sa siyudad sa Sugbo.

Adunay local official nga wa nganli sa heneral nga giingong nalambigit sa ilegal nga drugas ang nagtinguha nga ipapatay siya.

Sa dihang naka dungog sa pagtuktok sa balay, naglain na ang huna-huna niini.

Misamot pa nga sa iyang pag lili sa gawas, wa siya makaila sa mga tawo nga nakasibilyan lang hinungdan nga iyang gipasalbahan.

“According to the CPPO team, they heard a firing shot inside that house that led to the exchange of fire and misencounter,” matod ni Sinas.

Sa dihang ilang gisusi ang sulod sa balay, ilang nakita si Yballe nga nagkadugo na ang kalawasan hinungdan nga ilang gidali pagdala sa tambalanan apan gideklarar nga dead on arrival sa mga doktor.

Tungod sa maong hitabo, nimando si Albayalde pagparelibo sa 18 ka personnel sa PIB ug Provincial Drug Enforcement Unit samtang magpadayon ang imbestigasyon.

Sa iyang text message sa Sunstar Philippines, iya kining gikompirmar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph