NAHULOG sa kanal ang gisakyang motorsiklo sa usa ka batan-on ug maayong pagkabunal sa iyang ulo pasado alas 12 sa tungang gabii Miyerkules, Mayo 1, sa Barangay Indahag, Siyudad sa Cagayan de Oro.
Patay si Joshua Ruiz, 19, residente sa nahisgutang dapit.
Sa nahipos nga impormasiyon, giingong nahulog ang gimaneho nga motorsiklo nga XRM ni Ruiz sa kanal ug maayong pagkabunal sa ulo niini.
Dali pa nga gidala sa Northern Mindanao Medical Center (NMMC) ning siyudad ang biktima apan walay swerteng wala na kini makaagwanta sa mga naangkon nga mga samad ug bun-og sa nagkadaiyang parte sa kalawasan.
Ang patay nga lawas ang kasamtangang anaa sa morgue sa nahisgutang balay tambalanan.