MAGPABILIN sa yellow category ang status sa dakbayan sa Lapu-Lapu sa Election Watchlist Areas (EWAs) sa Mayo 13 nga piniliay.
Mao kini ang nakab-ot nga desisyon sa Commission on Elections (Comelec), Lapu-Lapu City Police Office (LLCPO), Philippine Coastguard (PCG), Philippine Airforce (PA), Philippine Navy (PB), Armed Forces of the Philippines (|AFP) ug Department of Interior and Local Government (DILG) atol sa ilang gipahigayong Lapu-LapuCity Joint Security Control Center Conference kagahapong adlawa, Mayo 2.
Ang maong panagtigum mao na ang posibleng katapusang panagtigom sa naasoyng mga ahensya sa dili pa ang piniliay 10 ka adlaw gikan karon.
Kahinumdoman nga ang kandidato pagka mayor sa dakbayan nga si Junard “Ahong” Chan una nang mihangyo sa kapulisan ug Comelec sa pag-isa sa status sa dakbayan gikan sa yellow ngadto na sa orange gumikan kay pipila sa iyang mga supporters giingong gipamusil.
Apan alang ni Police Colonel Limuel Obon, direktor sa Lapu-Lapu City Police Office LCPO,nga walay basehan ang pag-isa sa status sanglit sa ilang pakisusi dili election related ang nahitabong pagpamusil sa dakbayan sa milabaynng mga adlaw.
Ang labing uwahing insidente sa pagpamusil nga nahitabo sa usa ka Cesar Siaton nga giingong supporter ni Chan samtang nagpahiluna kini sa mga sakyanan atol sa gipahigayong pulong-pulong sa miaging Sabado Abril 29 gihulagway sa kapulisan nga walay kalabotan sa piniliay.
“From our vital witnesses the suspects were riding in motorcyles they were riding in tandem and the backrider did the shooting before that happened there was a witness that had said na the gunman said nga tua ra tua ra nagbarog so that means that te target was identified it was a deliberate tandem it was intended for him and it just so happened that he was located near an area where suspposedly a poltical party meeting will be conducted but if he has been I think located by suspects in other areas..” pagpasabot ni Obon.
Si Atty Rainer Layson, Comelec election officer sa Lapu-Lapu, niawhag karon sa mga kandidato sa dakbayan nga aron masigurong way kasamok nga mahitabo sa ilang pagpangampanya ug ipahigayong pulong-pulong sa pakig-alayon kanunay sa kapulisan aron mabutangan sila ug area security sa kapulisan.
Gibutyag niya nga han-ay na ang tanang security measures nga ipatuman sa kapulisan ug ubang ahensya sa piniliay sa dakbayan labi na sa mga isla sa dakbayan.
Giklaro ni Layson nga bisan kung yellow category ang EWAs status sa dakbayan wala kini nagpasabot nga dili na heightened alert ang kapulisan sa umaabot piniliay.
“We are very much in gratitude no for the presence of the AFP and the Phil Navy and Phil Coastguard and Airforce for committing their resources we believe that with their commitment magiging successful yung election natin in Lapu-Lapu City yung logistical support natin is already in place,” matod ni Layson.
Moabot sa 80 ka security personnel ang motabang sa kapulisan sa dakbayan sa umaabot piniliay lakip na niini ang duha ka mga aircraft nga naka-standby nga gamiton sa pag-transport unya sa mga ballot boxes sa isla.
Sa habig sa Phil Navy motagana usab sila ug laing duha ka barko alang sa mga isla sa dakbayan nga magamit sa umaabot piniliay. (GCM)