SECTIONS
Wednesday, September 18, 2019
SUPERBALITA CEBU

Dino: Tomas 'nagbinata'

CEBU. Gihulagway ni Presidential Assistant for the Visayas Michael Dino (wala) si Cebu City Mayor Tomas Osmeña (sobra) nga "nagbinata" sa iyang kanunay nga pagpangdaut sa mga sakop sa kapulisan sa siyudad sa Sugbo. (SunStar file photo)

PRESIDENTIAL Assistant for the Visayas Michael Dino mihingalan ni Cebu City Mayor Tomas Osmeña nga sobra pa sa nagbinata sa kanunay nga pagpang-daot niini sa kapulisan sa siyudad sa Sugbo.

Hugot usab niining gihimakak nga iyang gigamit ang Police Regional Office-Central Visayas ug ang kapulisan sa siyudad sa Sugbo sa pagharass sa mga kaalyado ni Osmeña.

Sa iyang mga post sa Facebook, kanunay nga nganlan ni Osmeña si Dino nga maoy nagpaluyo sa mga insidente sa pag pang-harass matod pa sa mga police.

Alang ni Dino, ang angayan nga pasanginlan sa mayor ang iya rang kaugalingon.

Iyang gitumbok ang mayor nga maoy nagpagawas sa tulo ka dinakpan sa Parian Police Station niadtong niaging tuig tungod sa pagpamaligya niinig butane canister nga gitubilan og LPG.

“Tanan niyang mga issues ako man iyang pasanginlan, so wala gyud tay mabuhat ana. Kita bitaw mo unsay gibuhat niya katong tulo ka buok gipriso iya jung gipugos pagpagawas. Nganong gidakop man tong tulo ka tawo? Because of illegal activities,” matod ni Dino.

Sa tanang atake sa mayor ngadto sa kapulisan, hugot usab ang suporta ni Dino sa mga police kay alang niya, naa sa husto nga direksyon ang gihimo sa mga police sa siyudad sa Sugbo.

Gihulagway niya ang mayor nga sobra pa sa nag-binata sa gipakita niining batasan sa kapulisan ug sa mga kaatbang niini sa politika.

“Para nako, niingon man to si General (Oscar) Albayalde nagbinata siya. For me, to be honest, sobra pa sa binata iyang gibuhat,” dugang ni Dino.

Lakip sa iyang gisaway ang wala pagtamod sa convoy ni Konsehal Mary Ann Delos Santos sa gihimong Comelec checkpoint sa kapulisan niadtong Dominggo sa gabii, April 28.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph